Агаарын бохирдлыг бууруулах Үндэсний хороо хуралдлаа
Монгол Улсын Ерөнхий сайд Ж.Эрдэнэбатын захирамжаар Агаарын бохирдлыг бууруулах Үндэсний хорооны шинэ бүрэлдэхүүнийг баталсан. Уг хороо өнөөдөр анхдугаар хуралдаанаа хийлээ.
Хуралдаанд Агаарын бохирдлыг бууруулах Үндэсний хорооны дарга, гишүүд, УУХҮЯ, болон бусад төрийн байгууллагын газар, хэлтсийн дарга, төсөл хэрэгжүүлэгчид оролцлоо.
Ерөнхий сайд Ж.Эрдэнэбат хурлыг нээж “Агаарын бохирдлыг бууруулах чиглэлээр дорвитой арга хэмжээ авч, хэрэгжүүлэх зайлшгүй шаардлагатай байна. Цаашид агаарын бохирдлын төлбөрийг зориулалтын дагуу зарцуулах замаар сэргээгдэх эрчим хүчний хэрэглээг дэмжих, халаалтаа цахилгаанаар шийдэж байгаа айл өрхөд шөнийн цахилгааны урамшуулал олгох,стандартад нийцсэн сайн чанарын шатахууны импорт, хэрэглээг дэмжих, нийтийн тээврийг хийн түлшинд шилжүүлэх зэрэг арга хэмжээг авч тодорхой асуудлыг төрийн бодлогын хэмжээнд шийдвэрлэж, хэрэгжүүлэх чиглэлээр ажиллана” гэлээ.
“Агаарын бохирдол зөвхөн Монгол улсад нүүрлэж байгаа асуудал биш юм. Дэлхий нийтээрээ энэ асуудалд анхаарал хандуулж байна. Улаанбаатар хот дэлхийн агаарын бохирдолтой 50 хотоос 47-д эрэмбэлэгдсэн. Амьсгалын замын эрхтэний өвчлөл 2005 онд 10 мянган хүн амд 697 байсан бол 2014 онд 1730 болж 2.4 дахин өссөн байгууллагууд мэдээллэж байна. Агаарын бохирдлыг бууруулах стратеги, төлөвлөлтөө боловсронгуй болгож, орон нутаг, салбар хоорондын үйл ажиллагааг дэмжих, насжилт ихтэй автомашины татварыг нэмэгдүүлэх замаар хэрэглээнээс хасах зэрэг шийдвэртэй арга хэмжээг авч хэрэгжүүлэх шаардлага тулгараад байна” хэмээн Байгаль орчин, аялал жуулчлалын сайд Д.Оюунхорол тэмдэглэв.
Агаарын бохирдлын нөхцөл байдал, өнгөрсөн хугацаанд хийж хэрэгжүүлсэн ажил, цаашид авч хэрэгжүүлэх арга хэмжээний талаар хэлэлцэн яамдад цаашид авах арга хэмжээний төслийн саналыг дараагийн долоо хоногийн Лхагва гарагт ирүүлэх үүрэг өглөө.
Агаарын бохирдлын төлбөрийн тухай хуульд зааснаар жилдээ 30 орчим тэрбум төгрөг улсын төсөвт төвлөрдөг ч агаарын бохирдлын төлбөр улсын төсөвт орж зориулалтаараа зарцуулагддаггүй бөгөөд энэ жил 5 тэрбум төгрөгийг Агаарын бохирдлыг бууруулахад төсөвлөсөн байна.
Ирэх онд батлагдсан төсвөөс агаарын чанарыг сайжруулах бүсийн гэр хорооллын айл өрхүүдийн цахилгаан хангамжийн найдвартай ажиллагааг хангаж, эрчим хүчний шөнийн хэрэглээний үнийг тэглэх, сайжруулсан зуухаар хангах, шахмал түлшээр хангахад тус тус зарцуулахаар төлөвлөжээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Холбоотой мэдээ
Сэтгэгдэл ( 2 )
агаарын бохирдолын байдалд шинжлэх ухааны үндэстэй оносон дүгнэлт хийж тулсан арга хэмжээ авч байж буурна.хот төлөвлөлтийн шинжлэх ухааны үндэсийг таслаж улаанбаатар хотыг агаар, хөрс, усны бохирдолд оруулсан гэмт хэрэгтэн бол м. энхболд мөнөөс мөн.УБ хотод жил бүр 30000 аас доошгүй иргэн шилжин ирж байхад тэднийг байршуулах төлөвлөгөөгүй тэд хотын жаахан дэд бүтэцийг бараадан уулын орой үерийн ам таглан бууж хөөгдөн туугдан торгогдож төрийг тэжээж байна. энэ өвөл зуд болох нь тодорхой болж ирэх жилээс шилжин ирэх хүмүүсийн тоо, утаатайгаа эрс нэмэгдэнэ. энэ хувиа бодохоос өөр чадваргүй төрөнц
Ганцхан араг байгаа гэр хорооллыг дулаанд холбох. энэ олон жилд бага багаар ч болов баруун болон хойд зүгт шугам татаж байсан бол өдийд овоо болох байсан. Хайран мөнгийг амиа аргацаасан түр зуурын араг хэмжээнд мөн чих зарлаа даа. зарсан мөнгө хийсэн ажил, үр дүнгээ нэг хараач дээ