Олон улсын “Авлигатай тэмцэх газар” байгуулагдана

Их Британи, АНУ, Швейцарь, Канад, Австрали, Шинэ Зеланд улс Интерполтой хамтран дэлхийд анхны Авлигатай тэмцэх олон улсын агентлаг байгуулахаар болжээ. Английн нийслэл Лондон хотод болсон Авлигын эсрэг олон улсын чуулга уулзалтын хуралдааны үеэр энэ тухай албан ёсоор зарлажээ.

            Их Британи улс бизнесийн бүх байгууллагын эздийн нэрсийг нээлттэй болгохоор завдаж байгаа бөгөөд араас нь Франц, Голланд, Нигери, Афганистан улс мөн ижил арга хэмжээ авах гэнэ. Түүнчлэн Австрали, Шинэ Зеланд, Иордан, Индонези, Ирланд, Гүрж улс мөн ийм арга хэмжээ авахаар бэлтгэлээ хангаж эхэлжээ. Энэхүү ажлыг санаачлан хэрэгжүүлж буй Их Британи улс мөн улсад нь хөрөнгө оруулсан, үл хөдлөх хөрөнгө худалдаж авсан бүх компанид жинхэнэ эзэмшигч нь тодорхой байх ёстой гэсэн шаардлага тавих аж.  

Д.Ирээдүй