Согтуугаар жолоо баривал мооргт ажиллуулна

Тайландын эрх баригчид энэхүү баярын өдрөөр согтуугаар автомашин жолоодсон этгээдэд маш хачирхалтай шийтгэл ногдуулахаар болжээ. Тодруулбал,  алдаа гаргасан жолооч тодорхой хугацаанд хүүр хадгалах газар буюу мооргт ажиллах гэнэ. Мөн цогцос зөөх ажилд дайчлагдахаар болжээ. Хууль тогтоогчид согтуу жолоочид хүлээлгэх хариуцлагын хэлбэрийг бодож, бодож дээрх шийтгэлийг сонгосон байна. Хүүр хадгалах газарт ажиллах нь тухайн жолоочид согтуугаар жолооны ард суух нь ямар эрсдэлд хүргэж болохыг ухааруулахад тустай гэж үзсэний үндсэн дээр дээрх шийдэлд хүрчээ.

Согкран буюу тай тооллын шинэ жил тохиодог энэхүү баярын өдрүүдэд Тайландад авто осол ердийнхөөс эрс нэмэгддэг бөгөөд цаг тутамд 2.3 хүн авто ослоор нас бардаг гэсэн статистик байдаг аж.

С.Төгөлдөр