АНУ-ын талаас Өмнөд-Хятадын тэнгисийн маргаантай бүс нутагт усан доогуурх дронуудыг ашиглаж байгаа нь Хятадын эсрэг тагнуул хийх хэрэгсэл хэмээн үзэж буйг Жэньминь жибао сонинд мэдээлсэн байна.
Саяхан Өмнөд-Хятадын тэнгист хятадын цэргийн хөлөг онгоц Америкийн Боудич хөлгийнхний нүдэн дээр АНУ-ын усан доогуурх нисгэгчгүй төхөөрөмжийг олзолсон билээ. Харин Пентагоны зүгээс түүнийг эрдэм шинжилгээний зориулалтаар ашиглаж байсан гэх мэдэгдлийг хийсэн байна.
Хятадын сонинд мэдээлснээр, дрон ашиглах явдал АНУ-ын “бодит хүслийг нуун далдалж чадахгүй” гэжээ. “Өмнөд-Хятадын тэнгист хөвж гарч ирсэн эдгээр дрон нь Хятадтай харьцах АНУ-ын байлдааны стратегийн мөсөн уулын нэгээхэн хэсэг” гэж мэдэгдэлд мөн дурджээ.
Д.Мөрөн
Сэтгэгдэл ( 0 )