ХОВД: Сургууль, цэцэрлэгүүд энэ сарын 21-нийг хүртэл ажиллахгүй

Сүүлийн үед Ховд аймагт ханиад томуу, амьсгалын замын өвчлөл нэмэгдэж БОЭТ-ийн Хүүхдийн тасаг ачаалал ихтэй ажиллаж байна. Өөрөөр хэлбэл 45 ортой тус тасагт энэ сарын 14-ний байдлаар 78 хүүхэд хэвтэн эмчлүүлж байгаа бол тасгийн амбулаториор өдөртөө 0-5 насны 100-150 хүүхэд үзүүлж зөвлөгөө авч байгаа тухай мэдээллийг өгч байна.

Ачаалал нэмэгдсэнтэй холбогдуулан Хүүхдийн 3 их эмч амбулаторийн үзлэг хийж эцэг эхчүүдэд зөвлөгөө өгч уртасгасан цагаар ажиллаж байна. Мөн өрхийн эмнэлэгүүд ч уртасгасан цагаар ажиллаж байна. Томуу, томуу төст өвчлөл нэмэгдэж, дэгдэлт хэлбэрээр бүртгэгдсээр байгаа учраас Ховд аймгийн Засаг даргын  энэ сарын 13-ны өдрийн А/07 тоот захирамжаар Хүүхдийн байгууллагуудын үйл ажиллагааг түр хугацаагаар хаагаад байна. Уг захирамжаар сургууль, цэцэрлэг зэрэг хүүхдийн байгууллагууд энэ сарын 16-21-нийг хүртэл 7 хоногийн хугацаанд түр ажиллахааргүй болж байна.  

О.Анир

Эх сурвалж: Ховд аймгийн ЗДТГ