Өврөөсөө нисэх шувуу бүхнийг хайрлаарай

Өврөөсөө нисэх шувуу бүхнийг хайрлаарай
Өчигдөрийн гээсэн захидал ч байж мэднэ
Өөрөөс чинь өөр хэнд ч зориулагдаагүй
Өнчин зүрхний хайлал ч байж мэднэ

Гарчиглаж амжаагүй захидлын чинь мөр бүхэнд
Гуниглаад ниссэн шувуудын ганганаа байх ч юм билүү
Хавар бүхэн ирдгээрээ л ирнэ гэж андуурав 
Харьсан шувуу ирэхгүйгээр нисэн одсон байх вий харамсуузай

Уйлсаар явсан шувуудыг эргээд иртэл хүлээгээрэй
Усан хэлхээ нь хатахын цагт нуураа эргэдэгт итгээрэй
Захидалд бичээгүй үгээ сэтгэлдээ тээсээр ирэхэд нь
Заяаных юм шиг хайрлаарай чамайг л зориод ирсэн юм шүү