Меланья Трамп Цагаан ордон руу нүүхгүй
АНУ-ын шинэ ерөнхийлөгч Доналд Трамп албан ёсоор тангараг өргөж үе үеийн ерөнхийлөгч нарын адилаар Цагаан ордон руу хэдийн нүүсэн билээ. Түүний гэргий Меланья Трамп 10 настай хүүгийнхээ хичээл сурлагаар урдаа барьж Нью Йорк хотдоо үлдсэн бөгөөд Баррон Трампын хичээл амарсны дараа Вашингтонд очно хэмээж байлаа.
Us Weekly-д мэдээлснээр, Меланья Трамп хүүгийнхээ хичээлийг амарсан хойно ч Цагаан ордонд албан ёсоор нүүж ирэхгүй байх магадлал өндөр байгаа гэж бичжээ. Тэд хэлэлцэж ярилцсаны үр дүнд Баррон хүүд хамгийн тохиромжтой зөв замыг сонгох бөгөөд энэ нь Нью Йорк хотдоо үлдэх явдал гэнэ.
Түүнчлэн 45 дахь ерөнхийлөгчөөс “ABC News World News Tonight” нэвтрүүлгийн хөтлөгч “Цагаан ордны их ажлын дараа өрөөндөө ганцаараа орж ирэх сайхан биш шүү дээ, та их ганцаардаж байна уу” хэмээхэд Трамп “үгүй дээ, энэ улсад хийх ажил маш их байдаг тул би шөнө дунд хүртэл ажилладаг. Надад ганцаардах цаг зав алга даа” гэж хариулжээ.
И.МӨНХЦЭНГЭЛ
Холбоотой мэдээ
Сэтгэгдэл ( 0 )