Мятаршгүй Мэт дахин эрүүл мэндээ эрсдэлд оруулна

Жүжигчин хүн ажлаа хийхийн тулд ямар хатуужил тэвчээр гаргаж болдгийг Мэтью Макконахи дахин үзүүлэх гэж байна. “Далласын худалдан авагчдын клуб” кинонд ДОХ-оор өвчилсөн залуугийн дүрийг бүтээхийн тулд яс арьс болтлоо турж байсан билээ. 70 кг жин хаях ёстой болсон түүний эрүүл мэндийг эмч нар буцаж сэргэхгүй, тэр ч бүү хэл сэтгэцэд нь нөлөөлж мэднэ гэж байсан ч мань хүн даваад л гарсан. Тэгвэл түүнд саяхан 25 кг жин нэмэх шаардлагатай дүрийн санал ирэхэд эргэлзэлгүй хүлээж авсан гэнэ шүү. Ажилдаа ч аль хэдийнэ орж, жингээ нэмээд эхэлчихсэн гэнэ. Шар айраг, чизбүргертэй найзлах нь түүнд тун ч таатай байгаа гэнэ лээ. Өдгөө нас сүүдэр 45 хүрсэн ч мэргэжлийнхээ төлөө эрүүл мэндээ эрсдэлд оруулахаас буцдаггүй зан нь хэвээрээ л байна даа.  

С.Төгөлдөр