В.Путин: Надад ЗХУ-ыг сэргээн байгуулах хүсэл огт байхгүй

2017 оны 03 сарын 16

ОХУ-ын Ерөнхийлөгч В.Путины хамгийн сүүлд өгсөн ярилцлагыг хүргэж байна. Түүнтэй сэтгүүлч Владимир Соловьев ярилцжээ.


 

-Владимир Владимирович, Сирид явуулсан Оросын ажиллагааг бусад орнууд маш их шүүмжилсэн. Тэр ажиллагаа зөв байсан уу?

-Ажиллагаа олон улсын хэм хэмжээнд, Арабын Сири улсын албан ёсны хүсэлтийн дагуу явагдсан. НҮБ-ын шийдвэргүй, Сирийн эрх баригчдаас зөвшөөрөл аваагүй учраас бусад бүх улсын ажиллагаа хууль бус. Лалын улс бүлэглэлийн эсрэг эвсэлд нэгдсэн 11 улс Сирийн газар нутгийг жилийн турш хаа сайгүй бөмбөгдөж байсан.  Бид тэдэнд хамтрах санал тавьсан. Хамгийн энгийнээр бодоход, тэд бидэнтэй нэгдсэнээр дээрх замбараагүй бөмбөгдөлтөө хууль ёсны болгох боломж байсан. Харамсалтай нь, энэ асуудлаар тохиролцоонд хүрч чадаагүй. Биднийг “Лалын улс”-ыг биш, сөрөг хүчнийг бөмбөгдөж байна гэсэн. Бид хариуд нь “Та бүхэн Сирид жил гаруй хугацаанд хууль бусаар байлдааны ажиллагаа явуулсан болохоор нөхцөл байдлыг биднээс илүү мэдэж байгаа шүү дээ. Бидэнд чиглэл өг, бид түүн дээр чинь ажиллая” гэсэн хүсэлт тавьсан.

-Татгалзсан уу?

-Тийм. Татгалзсан, ийм түвшинд хамтарч ажиллахгүй гэсэн. Ойлгомжгүй. Хэрвээ тэд үнэхээр нөхцөл байдлыг биднээс илүү мэддэг, бас тэгээд алан хядагчидтай тэмцэхийг хүсч байгаа юм бол нуугдаж байгаа газар, зэвсэг, хангамжийн баазыг нь зааж өг л дөө. Бидэнд бай зааж өг гэсэн. Харамсалтай нь, ингэж хамтрах хэмжээнд хараахан хүрсэнгүй. Гэхдээ итгэл алдрах болоогүй байна. Бидний зорилго бол хууль ёсны засаглалыг бэхжүүлж, улс төрийн гарц хайх нөхцөл байдлыг бий болгох.

-Та хууль ёсны засаглалыг цэргийн хүчээр бэхжүүлнэ гэж боддог уу?

-Мэдээж, цэргийн хүчээр. Сирийн нийслэлийг бүсэлсэн олон улсын алан хядагчид, босогчид эрх баригчидтай хэлэлцээр хийх огтхон ч сонирхолгүй байна. Ийм үед шууд хэлэлцээрт орох боломжгүй. Харин Сирийн арми алан хядагчидтай тэмцэх чадвартай гэдгээ харуулж чадвал улс төрийн буулт хийх магадлал мэдэгдэхүйц дээрдэнэ.

Үргэлжлэлийг ЭНД дарж уншина уу.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
-(103.20.152.50) 2017 оны 03 сарын 16

Путин бол маргахын аргагүй гарамгай түүхэнд мөнхөрсөн удирдагч мөн.

0  |  0
Top