"Google Chrome" интернэт хөтөч хэрэглэгчдийн тоогоороо Их Британид "Mozilla Firefox"-ыг гүйцэж түрүүлэн хоёрдугаар байрт орж иржээ. Харин хамгийн их хэрэглэгчтэй хөтөчөөр урьдын адил "Microsoft"-ын бүтээл "Internet Explorer" шалгарсан байна.
Будант Альбионы интернэт хэрэглэгчдийн 22,1 хувь нь "Google Chrome", 21,6 хувь нь "Firefox"-ыг ашигладаг аж. Харин 46 хувь нь “Internet Explorer”-ын хэрэглэгчид ажээ. Жилийн өмнө энэ харьцаа 12, 25, 55 байснаас үзвэл "Microsoft"-ын бүтээл өрсөлдөгчдөө зайгаа бага багаар алдаж байгаа нь ажиглагдаж байна. Харин дэлхийн хэмжээнд гэвэл мөн л дээрх гурван хөтөч хэрэглэгчдийн тоогоор тэргүүлж, "Apple"-ийн "Safari", "Opera" хөтөчүүд тав, долоон хувиар удаалж байгаа аж.
С.Төгөлдөр
Сэтгэгдэл ( 0 )