“TOKYO NIGHT -2017”-г дуучин Мино чимнэ

2017 оны 04 сарын 19

Охидын “Sound of kiss” хамтлагийн экс гишүүн, “Эмоци” продакшинд данстай жүжигчин, дуучин, фото модель гээд тун ч олон “гуншинтай” нэгэн бол Мино юм. Кинонд шимтэгсэд “Хайрлаж болох уу”, “Амьдралд тавтай морил”-д тоглосноор нь анддаггүй бол рекламны мангасууд түүний залуу нас, гоо үзэсгэлэнг хэдийнэ овоо хараанд авсан нь бий.

Image may contain: 1 person, closeup

Харин урлагийн “фанатууд” “Хар сарнай” Амраагийн дүү С.Амарбаясгалантай хамтран дуулсан  “Хатариш”-аар мэддэг. Энэ дууг дуулснаасаа хойш хатариш Мино нэртэй болсон адтай бүсгүй өнгөрсөн удаад “Romance”, “Чинийх” зэрэг соло уран бүтээлээ дүрсжүүлэн олонд хүргээд амжсан юм. Тэгвэл энэ удаад үзэгчдийн эртний танил нэгэн Япон дуугаар сонсогчдодоо бэлэг барих гэнэ.

Image may contain: 1 person, smiling, closeup

Тодруулбал энэ сарын 28-нд Бишрэлтийн “The Embassy” ресторанд болох “TOKYO NIGHT -2017”-д Мино энэ дуугаа дуулахаар бэлтгэлдээ хэдийнэ орсон сонин дуулгана лээ. Нэмж сонирхуулахад уг дууны клип  тун удахгүй хэвлэл мэдээллийн хэрэгслэлээр цацагдах юм байна.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top