Хүн амины гэмт хэрэг үйлдээд оргон зайлсан этгээдийг шуурхай баривчилжээ

2017 оны 04 дүгээр сарын 15-аас 16-нд шилжих шөнө Дундговь аймгийн Сайхан-Овоо сумаас урагшаа 35 километрт Шар хошуу гэх газар иргэн “Б” нь нас барсан байна гэх дуудлага мэдээлэл Дундговь аймаг дахь Цагдаагийн газрын 7059102 тоот утсанд 2017 оны 04 дүгээр сарын 16-ны 08 цагт ирсний дагуу жижүүрийн шуурхай бүрэлдэхүүн очиж хэргийн газрын үзлэг хийхэд иргэн “Б” нь бусдад хутгалуулсаны улмаас нас барсан сэжиг, таамаг илэрч, уг гэмт хэргийг үйлдсэн байж болзошгүй “О” гэгчийг улсын хэмжээнд шуурхай эрэн сурвалжилж, хэргийн газрын хамгаалалтанд бүрэлдэхүүн болон сумын хэсгийн цагдаа дэд ахлагч Д. Мөнхбаатар нар ажиллан Сайхан-Овоо сумын хэсгийн төлөөлөгч цагдаагийн дэслэгч М.Бат-Эрдэнэ тус хэргийг үйлдсэн “О” гэгчийг мөрдөж Өмнөговь аймгийн Мандал-Овоо сумаас хойш айлд нуугдаж байсныг олж тогтоон баривчилж ажиллалаа. Одоо тус хэргийг Дундговь аймаг дахь Цагдаагийн газар шалгаж байна гэж тус аймгийн цагдаагийн газраас мэдээллээ.