Харилцан ойлголцлын санамж бичиг байгууллаа

2017 оны 04 сарын 25

Нийслэлийн Авто худалдааны цогцолборын авто машин худалдаалах зогсоолын талбайд нарны цахилгаан станц барьж байгуулах боломжийг судлах зорилгоор нийслэлийн Засаг дарга бөгөөд Улаанбаатар хотын захирагч С.Батболд, “Авто худалдааны цогцолбор” ОНӨААТҮГ-ын дарга О.Мөнгөшагай нар Бүгд найрамдах Франц Улсын сэргээгдэх эрчим хүчний төслийн хөгжүүлэгч, хөрөнгө оруулагч “Акуо Энержи” компанийн төлөөллүүдтэй харилцан ойлголцлын санамж бичиг байгууллаа.

Санамж бичгийн хүрээнд “Акуо Энержи” компани нь Нарны цахилгаан станц барьж байгуулах төслийн техник эдийн засгийн үндэслэлийг гаргах юм. Төслийг хэрэгжүүлэх боломжтой гэж үзсэн тохиолдолд талууд урт хугацааны газрын түрээсийн болон хамтын ажиллагааны гэрээ байгуулж ажиллах аж.

Санамж бичиг байгуулах ажиллагааны үеэр хотын дарга С.Батболд “Энэ төслийг богино хугацаанд үр дүнтэй болгон гэдэгт итгэлтэй байна. Манай хотын хувьд агаарын бохирдлыг бууруулах чиглэлээр нарны эрчим хүчийг ашиглах тодорхой алхам эхлүүлэх хэрэгтэй. Энэ төсөл үлгэр жишээ болно гэдэгт найдаж байна” хэмээн “Акуо Энержи” компанийн төлөөллүүдэд хэлж байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлээ.

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Гажиг Гижиг (122.201.31.37)  2017 оны 04 сарын 25

Энэ худал ярьдаг дарганцарууд еерсдийн хийх ажлаа санадаг санамжгуй, мэдлэг чадваргуй болчихсон юмаадаа!!! Ялангуяа Сундуйн Батболд гэж нэг нехер байнаа? Хийдэг ажил нь нохой засах, судалгаа хийх, ойлгоогуй зуйлдээ хамтран ойлголцлын санамж бичигт гарын усэг зурах!(элдэв янзын байгууллагуудтай хамтарч ажиллах гэрээнд гарын усэг зурах зэрэг нер их ажлыг их сайн хийх бололтой юм! Туунээс еер хийж чадах ажил туунд алга бололтойдогоо!

0  |  0
Top