“BARILGA EXPO 2017” Олон улсын үзэсгэлэн яармагаас таны олж авах мэдээлэл

Жил бүр уламжлал болгон зохион байгуулдаг “BARILGA EXPO 2017” Олон улсын үзэсгэлэн яармагийн “Орон сууц, ногоон барилга”-ын үзэсгэлэн энэ сарын 28-30-ны өдрүүдэд Мишээл экспо төвд болох гэж байна.

Эдгээр өдрүүдэд Улаанбаатарт хэрэгжиж буй шинэ орон сууцны 40 гаруй төсөл танилцуулах бөгөөд тэдгээр оролцогч компаниуд ипотекийн болон банк, орон сууцны борлуулалтын компанийн хувь зээлийн талаарх мэдээллийг авах боломжтой.

Мөн бартерийн хямд байруудыг олон нийтэд санал болгож байна. Түүнчлэн орон сууцтай холбогдох дагалдах үйлчилгээ, тавилга, засвар үйлчилгээний материал байршлаа. Хүсвэл та орон сууцны зах зээлийн судалгааг эндээс хийх ч боломжтой шүү.
 
Энэ мэтчилэн олон боломжийг санал болгож байгаа дээр үзэсгэлэнгийн өдрүүдэд үнэ төлбөргүйгээр дараах арга хэмжээ, сургалт, семинарууд болно.