Цуврал 2: Тусгай хамгаалалтанд хэрчүүлсэн ”Тосон Бумбын нуруу”

Манай тусгай сурвалжлах баг Өмнөговь аймгийн Гурвантэс сумын нутагт орших Тост, Тосон бумбын нурууны талаар ноцтой баримт, мэдээлэл ганзагалж иржээ. Эдгээр баримт материалыг цуврал нийтлэл, нэвтрүүлэг болгон уншигч, үзэгчдэдээ дэлгэхэд бэлэн болоод байна.

“Мангасын аман дахь Гурвантэс”, “Тосон бумбын нурууг хэрчсэн тусгай хамгаалалтын бүс”, “Хөвд, Хуршуутын голын хөөрхийлөлтэй хувь заяа” гэсэн цуврал гурван агуулгын дор хөндөх “Тосон бумбын нулимс” асуудал дэвшүүлсэн нийтлэлээрээ бид Монголын өмнийн говьд тохиолдож буй эмгэнэл, харууслыг бүрэн дүүрэн уудлан илчлэхээр зорилоо.

Газар нутаг дээр нь есөн том уул уурхайн компани ашигт малтмал олборлож буй атал эх орныхоо хамгийн ядуу сумдын тоонд багтаж, ард иргэд нь гуниг, гаслан дунд аж төрж байгаа нь туйлын эмгэнэл юм. Тостын нуруу нь Монголд төдийгүй дэлхийд ховордсон цоохор ирвэсийн өлгий гэдгээрээ хүн зоныхоо бахдлыг төрүүлдэг байсан газар орон. Гэтэл өнөөдөр энэ нутагт газар дэлхийн хэвлий улаанаараа эргэж, устай булаг, ундтай горхи бүр хуурайшин ширгэж, хүн мал тогтохын эцэсгүйгээр доройтон цөлжиж эхэлжээ. Тосон бумбын нүд аргасан зовхи хөндүүртэйгээр анивалзаж, Монгол орны эзгүйрсэн хязгаарт, баялагт сохорсон эрх мэдэлтнүүдийн шунал шороо мэт оволзоно. Үүнийг үзсэн нүднээс өөрийн эрхгүй нулимс унаж, хатаж хорчийсон газрын зүрхийг онож байна. Газрын зүрхнээс таны зүрх сэтгэлд илгээх үгс хийгээд үнэний өчлийг манай тусгай сурвалжлах баг ийнхүү дэлгэж байна. /Цуврал №1 Мангасын аман дахь Гурван Тэс.../

Цуврал - 2 : Тусгай хамгаалалтанд хэрчүүлсэн "Тосон Бумбын нуруу"...