Парисын гудамжийг Тунист зулын гол болсон хүний нэрэмжит болгожээ

Парис хотын зөвлөл хотынхоо нэгэн гудамжийг Тунист өрнөсөн хувьсгалын шалтгаан болсон Мохаммед Буазизигийн нэрэмжит болгох шийдвэрийг санал нэгтэйгээр гаргалаа. М.Буазизи нь 26 настай боловсротой нэгэн байсан ч зах дээр жимс зарж амь зуудаг нэгэн байжээ. Тунисын цагдаа нар түүнийг зөвшөөрөлгүй худалдаа хийсэн хэмээн худалдаа хийх эрхийг нь хассаны дараа тэрээр хотын даргын байрны өмнөх талбайд өөрийгөө зулын гол болгож, улмаар хувьсгал эхэлсэн юм. Түүний эхлүүлсэн энэ хувьсгал улмаар Египет зэрэг орнуудад “халдварласан” билээ.

С.Төгөлдөр