Х хорооллын туслах замын засвар, тохижилтын ажил хийгдэж байна

2017 оны тохижилт, ногоон байгууламжийн ажлын хүрээнд Баянгол дүүргийн 10 дугаар хорооллын туслах замын засварын ажил 4 дүгээр сарын 10-нд эхэлсэн.

Тохижилтын ажлаар 812 метр авто замыг засварлаж, 144 у/м борооны ус зайлуулах шугам шинээр тавих ба 191 ширхэг автомашины зогсоол, 3890.7 м2 явган хүний зам, 5825 м2 зүлэг, 1220 у/м ургамалан хашлага, 46 ширхэг гэрэлтүүлэг, 70 ширхэг сандал, 31 ш хогийн сав, 12 ширхэг сүүдрэвч бүхий иж бүрэн тохижилтын ажлыг Улаанбаатар хотын Захирагчийн ажлын албаны захиалгаар Улаанбаатар зам засвар арчлалтын газар ОНӨААТҮГ гүйцэтгэж байна.

Тохижилтын ажил графикийн дагуу хийгдэж байгаа бөгөөд 06 дугаар сарын 10-нд дуусгахаар төлөвлөн ажиллаж байна. Нийт ажлын явц 60 хувьтай байна гэж Нийслэлийн Захирагчийн ажлын албанаас мэдээллээ.