Нийслэлийн прокурорын газраас олны анхаарал татсан, онц хүнд дараах хэргүүдийг 2017 оны 05 дугаар сард шүүхээр шийдвэрлүүлсэн байна. Тухайлбал:
Өвөрлөгч эрийн харгислалд 25 жилийн ял оноов
"БНХАУ-ын ӨМӨЗО-ны иргэн W нь 2016 оны 12 дугаар сарын 30-ны шөнө Сонгинохайрхан дүүргийн 19 дүгээр хороонд гэртээ эхнэр МУ иргэн Х-ын гарын бугалга, булчин, сарвуу, духан тус газарт удуу дараа заазуурдаж, онц харгис хэрцгий аргаар шууд санаатай алсан, уг гэмт хэргийг нуун далдлах зорилгоор бага насны А-ын биеэ хамгаалж чадахгүй байдлыг мэдсээр байж зулайн тус газарт 1 удаа заазуурдаж шууд алсан. Мөн насанд хүрээгүй Б-ын толгойд 1 удаа заазуурдан хүнд гэмтэл учруулж, алахыг завдсан” гэх хэрэгт прокуророос Эрүүгийн хуулийн 91 дүгээр зүйлийн 91.2.2, 91.2.6, 91.2.10, 91.2.12, 91.2.15, 91.2.16-д зааснаар яллах дүгнэлт үйлдэж шилжүүлснийг 2017 оны 05 дугаар сарын 08-ны өдөр Сонгинохайрхан дүүргийн эрүүгийн хэргийн анхан шатны шүүхээр хэлэлцээд, шүүгдэгч W-д 25 жилийн хугацаагаар хорих ял оногдуулжээ.
БНСУ-ын иргэний хэргийг Өршөөлийн хуульд хамруулжээ
"БНСУ-ын иргэн Х нь Айрмаркет ХХК-д интернетээр тооцоо хийсэн гэж хүмүүсийн онгоцны тийзний мөнгө, бусдад компаниа зарна гэж нийт 109.243.375 төгрөгийг залилсан” гэх хэрэгт Эрүүгийн хуулийн 148 дугаар зүйлийн 148.4-т зааснаар яллах дүгнэлт үйлдэж, шилжүүлсэн. Үргэлжлэлийг ЭНД дарж уншина уу.
Сэтгэгдэл ( 0 )