”Цэргийн зэвсэглэл техникийг шинэчлэх гээд олон асуудлыг шийдвэрлэх шаардлага гарч байна”

2017 оны 07 сарын 21

Монгол Улсын Ерөнхийлөгч, Зэвсэгт хүчний Ерөнхий командлагчид хүндэтгэл үзүүлэх Цэргийн ёслолын жагсаалын бие бүрэлдэхүүнд хандаж МОНГОЛ УЛСЫН ЕРӨНХИЙЛӨГЧ Х.БАТТУЛГА-ын хэлсэн үг

 

Эрхэм хүндэт ард, иргэд ээ!

Төрийн цэргийн байгууллагуудын генерал, офицер, ахлагч, түрүүч, байлдагч, ажилтан албан хаагчид аа!

Хүндэт зочид оо!

 Улс, эх  орныхоо тусгаар  тогтнол,   бүрэн   эрхт байдал,  нутаг дэвсгэрийн  бүрэн  бүтэн байдал, улсын хилийн  халдашгүй дархан байдлыг хамгаалах, иргэдийн аюулгүй байдлыг хангах хүнд хариуцлагатай үүргийг буурал түүхийн олон нугачаанд хэлбэрэлтгүй сахин биелүүлж, эх орондоо дайн тулаангүй, амар тайван амьдрах их түүхэн   замнал, ололт  амжилтыг  улбаалан авч ирсэн Монгол Улсын төрийн цэргийн байгууллагын бие бүрэлдэхүүн та бүхэнд баяр хүргэе.

Монгол төрийн тусгаар   тогтнолын тулгуур нь төрийн цэргийн байгууллагууд  байж, төр, ард түмний өмнө хүлээсэн өндөр хариуцлагатай  албаа итгэл төгс биелүүлж, эх орныхоо аюулгүй байдлыг баталгаажуулахад та бүгдийн мэдлэг, мэргэжлийн ур чадвар,   хичээл зүтгэлээс  ихээхэн хамаарах болно гэдгийг   тэмдэглэж байна.

 “Монгол Улсын батлан хамгаалах   бодлогын үндэс” баримт бичгээр улсыг батлан хамгаалах тогтолцоо, батлан хамгаалах үндсэн чиглэлийг тодорхойлсон тул Миний бие Зэвсэгт хүчний Ерөнхий командлагчийн хувьд батлан хамгаалах хүчин чадлыг  бэхжүүлж, төрийн цэргийн байгууллагын эрх зүйн шинэчлэлийг гүнзгийрүүлэн боловсронгуй болгоход нэн тэргүүнд анхаарч, хуулиар хүлээсэн үндсэн чиг үүрэг болон тайван цагт  хамтран үүрэг гүйцэтгэх чадавхийг нэмэгдүүлэхэд  дэс дараатай арга хэмжээг авч хэрэгжүүлэх болно.

Зэвсэгт хүчний цэргийн зэвсэглэл, техникийг шинэчлэх, сэргээн сайжруулах, цэрэг-улс төрийн өндөр мэргэжлийн стратегич офицеруудыг бэлтгэх, агаарын цэргийн зэвсэглэл техникийг шинэчлэх гээд олон асуудлыг Та бид хамтран шийдвэрлэх шаардлага гарч байна.

Улс орноо хөгжүүлэх бүтээн байгуулалтын ажилд оролцох зориулалт бүхий цэргийн анги, салбарыг бэхжүүлэх, гүйцэтгэх үүрэгт нь зохицсон цэргийн болон тусгай   техникээр   хангах,   улмаар   цэргийн   алба   хаагчдыг   бүтээн байгуулалтын ажилд оролцуулан ажиллах хүчний мэргэшсэн нөөц бий болгох, залуучууд цэргийн алба   хаах   хугацаандаа   орлого   олж,   хуримтлалтай   болоход   чиглэсэн “Нэг цэрэг-нэг үндэстэн” зэрэг  хөтөлбөр боловсруулан хэрэгжүүлэх нь улс орны хөгжилд түлхэц болно гэж үзэж байна.

Монгол Улсын зэвсэгт хүчин  залуучуудыг   эх   оронч,  үндэсний үзлээр хүмүүжүүлэх, эх орноо батлан хамгаалах мэдлэг   боловсрол,   бие   бялдар,   сэтгэл   зүйн   хувьд   төлөвшүүлэхэд идэвхитэй, санаачилгатай оролцдог, хамтран ажилладаг  эв нэгдэлтэй, нэг зорилгод төвлөрч чаддаг  болоход анхаарч, Та бүхнийг олон талаар шахан шаардаж, сайн үйл хэрэг, сайн цэргийн мэргэжилтнүүдийг дэмжин ажиллах болно.  

Монгол Улсын зэвсэгт хүчнийг улс төрийн нам эвсэл, бүлэглэл, арилжаа бизнесийн холбооноос холдуулж, жинхэнэ эх оронч, чадварлаг, мэргэжсэн цэргийн стратегич удирдлагатай зэвсэгт хүчин байх ёстой гэдгийг энд зориуд анхааруулж байна.

Хоёр хөрш орон болон бусад гадаад орны төрийн цэргийн байгууллагатай байгуулсан цэргийн,  цэрэг-техникийн хамтын ажиллагааг өргөжүүлж, Олон улсын  хамтарсан   сургалт   дадлагыг   үр   өгөөжийг   нэмэгдүүлж, урт   хугацааны   хөтөлбөрөөр  мэргэжлийн   өндөр   бэлтгэлжилт   бүхий   бие бүрэлдэхүүн, орчин   үеийн зэвсэглэл, техник бүхий чадварлаг Зэвсэгт хүчнийг бүрдүүлэн хөгжүүлэх зорилго, зорилтуудыг  Та бид хамтран хэрэгжүүлж чадна гэдэгт Би итгэл төгс байна.

Эх орондоо өргөсөн тангарагтаа үнэнч байж, сахилга, зохион байгуулалтаа бэхжүүлэн,   төрийн   цэргийн   бодлогыг   хэрэгжүүлэхийн   төлөө   тууштай   зүтгэхийг Монгол Улсын Ерөнхийлөгч, Зэвсэгт хүчний Ерөнхий командлагчийн хувьд уриалж, цаашдын   албанд   тань   их   амжилт,   амьдралд   тань   аз   жаргал,   эрүүл  энх,   сайн сайхан  бүхнийг хүсэн ерөөе.

Монгол цэргийн сүлд хийморь бадран мандаж байх болтугай.

Ура нөхөд өө!




 

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Чойбат(135.23.229.11) 2017 оны 07 сарын 21

Цэргийн зэвсэг техникийн асуудал байж болох ч шинээр сонгогдсон ерөнхийлөгчийн эхэлж дуугарах асуудал биш. Асуудалд эрэмбэ дараалал, төрийн бодлого гэж байх ёстой. Хүний бэлдэж өгсөн цаас болгоныг уншаад байж болохгүй. Өөрийн чинь цөлх ухааныг ард түмэн хүлээж байгаа шүү.

0  |  0
зочин(202.21.114.226) 2017 оны 07 сарын 21

энэ шээс элбэгдорж шигээ бузарлаж байгаад буухгүй бол их юм,балагтай юмнууд дэлхийгээс зайлаасай,

0  |  0
зочин(202.21.114.226) 2017 оны 07 сарын 21

юугаараа шинэчилдэг юм чи,зи энхболд та нар 4 жил төр барьж улсын хөрөнгийг юу ч үлдээлгүй цөлөмчихөөд,хүүхдийн мөнгөө ч тавих мөнгөгүй болгож идээд өрөнд оруулаа биз дээ,/төмөр зам нэрээр шороо овоолж,АСЕМ нэрээр үрэн таран хийж,хогны уут хэдэн тербумаар хийж байгаль бузарлаад,худалдаа хөгжлийн банкаара дамжуулж эрдэнэтийг хоосруулж,үнэ тогтворжуулж байна гэж хувийн компанидаа хэдэн тербумаар нь бвч идээд/

0  |  0
шударга шүүх(202.21.114.226) 2017 оны 07 сарын 21

баттулга гэдэг улсын хөрөнгө хулгайлагч одоо зэвсэг гэж солиорч мөнгө идэх юм аа

0  |  0
hhoo(202.179.0.46) 2017 оны 07 сарын 21

mongold amerikiin nisehiin hun bur meddeggui kompan bii

0  |  0
ho(202.179.0.46) 2017 оны 07 сарын 21

mongold amerikaas oruulj irsen gal untraah ongotsiig ardiin namiinhan nuutsalj bn

0  |  0
Top