Аадар бууж гүүр сүйтгэжээ

Өвөрхангай аймгийн Нарийнтээл сумаас зүүн тийш 12 км-т орших Шарга багийн нутагт хүчтэй аадар буусны улмаас хатуу хучилттай зам гүүр сэтгэрчээ. Үүнээс шалтгаалан Арвайхээр-Баянхонгор чиглэлийн тус замыг түр хаагаад байна.  Үүссэн нөхцөл байдалд тус аймгийн Авто зам засвар ачилтын багийнхан шуурхай арга хэмжээ авч, авто ачигч, үйлчилгээний машин тус бүр нэг, мастер замчин таван хүний бүрэлдэхүүнтэй баг гарган ажиллаж байна. Тэд эхний ээлжинд түр зам гаргах, тогтсон усыг зайлуулах зэрэг арга хэмжээ авчээ. Тухайн орон нутагт зорчиж буй жолооч зорчигч нарт анхаарал болгоомжтой аялахыг Авто тээврийн үндэсний төвөөс анхаарууллаа.

Л.Хан

www.zindaa.mn