Бидний сайн мэдэх “Иванушки International” хамтлагийн гоцлол дуучин байсан Олег Яковлев өнгөрсөн зургадугаар сарын 29-нд таалал төгссөн билээ. 47 настай байсан Олегийг нас барсан талаар түүний найз бүсгүй Александра Куцевол анх мэдээлсэн юм. Дуучны бие эмнэлэгт хэвтэхдээ их хүнд байжээ. Олег ухаан оролгүй байсаар хорвоог орхисон байна.
Найз бүсгүй, бас продюсер нь байсан Александра түүний чандарыг авч оршуулах зөвшөөрлийг Москвагийн захиргаанаас удаан хугацаанд хүсчээ. Иймээс дуучныг хэзээ, хаана оршуулах нь тодорхойгүй байснаас болж түүний ойр дотны олон хүн салах ёс хийж чадаагүй байна. Тэдний дунд “Иванушки International”-ийн хамтрагчид болох дуучин Кирилл Андреев, Андрей Григорьев-Апполонов нар ч байжээ.
Олег Яковлевтой салах ёс хийхээр 20 хүн ирсэн талаар “Комсомольская правда”-д бичсэн байлаа. Тэдэн дунд Олегийн продюсер байсан Игорь Матвиенко байжээ. Хамтлагийн найз Андрей Григорьев-Апполоновынх нь гэр бүлд уй гашуу тохиож төрсөн эгч нь нас барсан учир дуучин хүнд байдалтай байснаас Олегийн оршуулганд ирж чадаагүй болов уу.
О.Чанцаа
Сэтгэгдэл ( 9 )
ectoi goe hamtlag shuu tuux bolon uldcven tsoohon hamtlagiin negd zui ecoor orno
mongold elegtei mongold torson sain duuchin baisan um manii badni hum
Сайн дуучин байсан шүү. Дууг нь их сонсдог байлаа.
Ум ма ни бад мэ хум.
Чойбалсан хотод төрсөн, аав ээж нь цэргийн хүмүүс байсан........
Ум мани бад ми хум. Хойд насандаа сайн төрөлөө олох болтугай
Ээ хөөрхий ум ма ни бад ме хум. энэ залуу чинь моноглд төрсөн гэдэг билүү, моногл гаралтай ч билүү