Он гартал мал, амьтан уралдуулахгүй нь


Өмнөговь аймагтай хил залгаа Дорноговь, Дундговь аймгуудад хонины цэцэг, малын шүлхий өвчний дэгдэлт буурахгүй байна. Дээрх байдалтай холбогдуулан  тус аймгийн Засаг дарга захирамж гаргажээ. Захирамжаар Өмнөговь аймгийн хэмжээнд мал, амьтан оролцсон аливаа тэмцээн уралдаан зохиохыг ирэх оны нэгдүгээр сарыг хүртэл хориглосон байна. Мөн мал, амьтаны гоц халдварт өвчнөөс урьдчилан сэргийлэх талаар боломжит бүхийл үйл ажиллагааг хууль тогтоомжийн дагуу зохион байгуулж ажиллахыг сумдын Засаг дарга нар үүрэг болголоо.

 Мал амьтны гоц халдварт өвчний үзлэг тандалт, ариутгал халдваргүйжүүлэлт, урьдчилан сэргийлэх тарилга, ухуулга сурталчилгааны ажлыг чанартай зохион байгуулахыг аймгийн Онцгой байдлын газар, ХХААГ, Мэргэжлийн хяналтын газар, Цагдаагийн газарт тус тус үүрэг болгож, захирамжийн хэрэгжилтэд хяналт тавихыг аймгийн Хөрөнгө оруулалт, хөгжлийн бодлого төлөвлөлтийн хэлтэст  даалгажээ.

Г.Зул

www.zindaa.mn

 

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )