Тайз, дэлгэцнээ бүтээсэн олон сайхан дүрээрээ ард түмний хайр хүндлэлийг хүлээсэн МУАЖ Д.Мэндбаяр гуайн бие таагүй талаар ойрын эх сурвалж мэдээллээ.
Улсын драмын эрдмийн театрт 1963 оноос хойш ажиллаж, амьдрал, уран бүтээлээрээ холбогдсон эрхэм жүжигчин маань энэ хугацаанд дэлхийн сонгодог болон үндэсний 60 гаруй жүжгийн гол дүр, 40 гаруй туслах дүрийг бүтээсэн байдаг. Мөн Монголкино үйлдвэрийн 1962-1996 онд бүтээгдсэн киноны 17-д, Монгол телевизийн 1973 оноос хойш бүтээсэн теле кино жүжгийн 20 гаруйд нь гол, туслах дүрд тоглосон. Үүнээс үзэгчдийн сэтгэлд хүрч хамгийн ихээр танигдсан дүр болох "Мандухай цэцэн хатан” киноны Юнгэн хатан, “Гарьд магнай” киноны Равсал панзын эхнэр, Монгол телевизийн “Эдлэх ёсгүй эрх” жүжгийн Бадамлянхуа хатан зэрэг олон дүрийг нэрлэж болох юм. 1981 онд МУГЖ цол хүртэж харин 2005 онд Монгол Улсын ардын жүжигчин болсон.
Өнгөрсөн онд ОХУ-ын Бүгд найрамдах Башкортостан улсын нийслэл Уфа хотод гурав дахь удаагаа зохион байгуулагдсан "Мөнгөн Акбузат" кино урлагийн наадамд "Ээж" Монголын Уран сайхны кино оролцож, Д.Мэндбаяр жүжигчин шилдэг эмэгтэй дүрийн тусгай шагналыг хүртсэн билээ.
Алтан үеийн алдарт жүжигчнээ хурдан илааршихыг хүсье .
Ш.Адъяамаа
Сэтгэгдэл ( 7 )
ygachgu l bga daa. hen n iim hudlaa yum bichd bdin .
Мундаг жужигчин шуу. Хандан эдгээрэй.
Hurdan edgeerei. Mongoliin ard tumen taniig hundetgen bishiedeg shu
Mongolchuudiin baharhal bolsn mundag jujigchin maani hurdan ilaarshih boltugai. Eruul enh urt udaan naslahiig husey.
Гайгүй байгаа бага зэргийн судасны агшилт өгсөнөөс харвасан энэ тэр хавдар зэрэг байхгүй.
saihan jujigchindee eruul enh, urt naslahiig eruuye
Мундаг жүжигчин. Хурдан илааршаарай.