Эцэг, эхчүүдийн анхааралд: Хүүхдээ цэцэрлэгт бүртгүүлэхдээ ямар материал бүрдүүлсэн байх ёстой вэ

  2016-2017 оны хичээлийн жилд сургуулийн өмнөх боловсролын үйлчилгээний гадна 63458 хүүхэд үлдсэн юм. Эдгээр хүүхдүүдийн 70.4 хувь буюу 44500 нь Улаанбаатар хотод харьяалалтай. Монгол Улсын нийт хүн амын 10.0 гаруй хувь болох 300 000 орчим хүн ам бүхий 25 хороо цэцэрлэггүй, 97 (45.8%) цэцэрлэгийн  хүчин чадал хамран сургах тойргийн хүүхдэдээ хүрэлцдэггүй гэсэн дүн мэдээ байдаг. 

 Шинэ хичээлийн жил эхлэх бүрт цэцэрлэгийн асуудал хурцаар яригддаг. Нийслэлийн төрийн өмчийн цэцэрлэгүүдийн хүрэлцээ муу улмаас эцэг, эхчүүд хүүхдээ хувийн цэцэрлэгт, аль эсвэл гэрээр хүмүүжүүлэх шаардлагатай болдог. Хувийн цэцэрлэгт өгье гэвч өндөр төлбөртэй улмаас төдийлөн хамруулж чаддаггүй.

Тэгвэл 2017-2018 оны хичээлийн жилийн хувьд шинэ элсэлтийг "цахим" хэлбэрээр зохион байгуулж байгаа. Дүүргийн боловсролын хэлтсүүд энэ дагуу Төрийн өмчийн цэцэрлэгийн хамран сургах тойргийн дагуу,  “Цахим элсэлт”-ийн өмнө дүүргийн хэмжээнд ажлын хэсэг байгуулан зорилтот бүлгийн хүүхдийг бүртгэх гэх мэт шаардлагатай ажлыг хийж байгаа аж. Цахим бүртгэлийн давуу тал нь өмнө нь цэцэрлэгт бүртгүүлэх гэж гурав хоног дугааралдаг байсан бол одоо цахим бүртгэлээр гуравхан минутанд бүртгүүлэх боломжтой болж байгаа юм.

Эцэг эх, асран хамгаалагчдад хүүхдээ цэцэрлэгт бүртгүүлэхдээ дараах шаардлагыг хангасан байна.

1.    Оршин суугаа газартаа бүртгэлтэй, бичиг баримтын зөрчилгүй байх

2.    Цахимаар бүртгүүлэхдээ зөвхөн оршин суугаа хорооны хамран сургах тойргийн цэцэрлэгийг сонгох

3.    Цахим хэлбэрээр бүртгүүлэх боломжгүй иргэд 2017 оны 08 дугаар сарын 10-ны өдрөөс хойш хамран сургах тойргийн цэцэрлэгт өөрийн биеэр очиж бүртгүүлэх

4.    Утасны дугаараа үнэн зөв оруулсан тохиолдолд утсанд цахим элсэлтийн сонголтын хариу очихыг анхаарах

5.    Зорилтот бүлэгт хамаарах дараах иргэд холбогдох материалыг бүрдүүлсэн байх 

6.    Эцэг эх, асран хамгаалагчид хүүхдээ цахим хэлбэрээр бүртгүүлсний дараа цахим элсэлт хэзээ, хаана болох талаарх мэдээллийг цэцэрлэгийн захиргаа болон холбогдох мэдээллийн хэрэгслээр авах

7.    “Цахим бүртгэл”, “Цахим элсэлт”-ийн дараа цэцэрлэгт элсэн орсон тохиолдолд хүүхдээ эрүүл мэндийн үзлэг, шинжилгээнд хамруулах

8.    Хичээлийн болон ариун цэврийн хэрэглэлтэй холбоотой зардлыг хариуцах

9.    Цэцэрлэгийн үйл ажиллагааны дүрэм, журам, заавар, гурвалсан гэрээний заалтыг биелүүлэх

10. Цэцэрлэг, багшид хүүхдийн хувийн онцлог, хөгжлийн талаарх мэдээллийг өгөх

11. Хүүхэд сурч, хөгжих сургалтын таатай орчин бүрдүүлэхэд туслах[3]

12. Хүүхдээ бүртгүүлэхдээ байгууллага болон бусад үйлчлүүлэгчдэд хүндрэл учруулахгүй, хүндэтгэлтэй хандах

Бүртгэл явагдах хугацаа, хамрах хүрээ

1. Цэцэрлэгт шинээр элсэх 2015 оны буюу 2 настай хүүхдүүдийн “Цахим бүртгэл” 2017 оны 07 дугаар сарын 25-аас 08 дугаар сарын 24-ний  өдрүүдэд; 
2.  Өмнөх хичээлийн жилийн суралцагчид, шинээр элсэх зорилтот бүлгийн хүүхдүүд болон тухайн цэцэрлэг 3-5 насны хүүхдийг шинээр элсүүлэн авах бол бүртгэлийг  хамтатган, уламжлалт аргаар 2017 оны 08 дугаар сарын 21-24-ний өдрүүдэд ажлын цагаар;
3. 2 настай хүүхдүүдийн  “Цахим элсэлт”-ийн үйл ажиллагаа  2017 оны 08 дугаар сарын 25-ны өдөр 10.00 цагт бүх цэцэрлэгт тус тус зохион байгуулагдана.

Мөн БСШУСЯ-аас цэцэрлэгт элсэж орсон хүүхдийн эцэг эхээс нэг хичээлийн жилд бэлтгүүлэх сургалтын хэрэглэгдэхүүн, ариун цэврийн хэрэгслийн жагсаалтыг гаргасан байна 

Б.Янжиндулам

www.zindaa.mn