Х.Энхжаргал: Оффшор данстанууд 49 хоногт нэг ч төгрөг оруулж ирсэнгүй

ОУВС, Олон улсын эдийн засгийн хамтын ажиллагааны байгууллагаас нийт 42 улсыг “оффшор бүс” хэмээн тооцож, эдгээр бүс дэх банкуудад Монгол Улсын 49 иргэн данстай байгаа талаар Олон улсын Эрэн сурвалжлах сэтгүүлчдийн консорциум мэдээлсэн юм.

Монгол Улсын Ерөнхийлөгч Х.Баттулга оффшор бүсэд данстай улстөрчид, төрийн албан хаагчид, тэдгээрийн хамаарал бүхий этгээдүүдэд хандан 2017 оны 7 дугаар сарын 24-ний өдрөөс хойш 49 хоногийн дотор оффшор дансаа хааж, тэнд байршуулсан мөнгөн хөрөнгөө Монголын банкинд оруулж ирэхийг уриалсан билээ. Түүнээс хойш өчигдөр 49 хоногийн хугацаа өнгөрсөн юм.

Монгол Улсын Ерөнхийлөгчөөс уриалсан хугацаа дууссантай  холбогдуулан уг уриалгын биелэлт, ажлын явц байдалтай танилцахаар Монгол Улсын Ерөнхийлөгчийн Тамгын газрын дарга З.Энхболд өнөөдөр Авлигатай тэмцэх газрын дарга, тэргүүн комиссар Х.Энхжаргалыг хүлээн авч уулзлаа.

Монгол Улсын Ерөнхийлөгчийн Тамгын газрын дарга З.Энхболд “Монгол Улсын Эрүүгийн хууль, Татварын хууль, бусад хуулиар аливаа компанийн хөрөнгө, мөнгө бүртгэлтэй, татвар төлөгдсөн байх ёстой. Энэ бүгд ил байх ёстой. Монгол Улсын Ерөнхийлөгчийн гаргасан уриалгын 49 хоногийн хугацаа өчигдөр дууссан” гээд энэ хугацаанд ямар ажил хийж, ямар үр дүнд хүрээд байгаа талаар тодруулахыг хүсч буйгаа хэлэв.

Авлигатай тэмцэх газрын дарга, тэргүүн комиссар Х.Энхжаргалын хэлснээр өнгөрсөн хугацаанд нэр бүхий 23 хүнийг гурав гурван удаа дуудан уулзсан бөгөөд өнөөдрийн байдлаар Монгол Улсад сайн дураар оруулж ирсэн хөрөнгө мөнгө байхгүй гэлээ.

 

Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн дагуу Монгол Улсын Засгийн газар оффшор бүсэд хамаарах гадаад улс, түүний нутаг дэвсгэрийн жагсааалтыг албан ёсоор зарласнаас 3 сарын дотор оффшор бүс дэх дансаа хаалгах, мөнгөн хөрөнгөө татах, өмчийн эрхээ худалдах, шилжүүлэх, татах, хуулийн этгээдийн үйл ажиллагааг зогсоох, захиран зарцуулэх эрхээ худалдах, шилжүүлэх, дуусгавар болгох арга хэмжээ авах учиртай. Ингээд өмчийн байдалд орсон өөрчлөлт, орлогын талаар 30 хоногийн дотор Авлигатай тэмцэх газарт шинэчлэн мэдүүлэх үүрэгтэй болжээ.

Гэвч Засгийн газраас албан ёсоор тогтоол гаргаж баталгаажуулаагүй байгаагаас болж  аль улс орон, түүний нутаг дэвсгэрийг оффшор бүсэд хамааруулах тухай нэгдсэн ойлголтгүй хэвээр байгаа аж. Өөрөөр хэлбэл, аль улс нь оффшор бүс, аль нь оффшор бүс биш гэдгээ ялгаж чадалгүй өнөөдрийг хүрчээ.

Өнөөдрийн байдлаар 3 сар, 30 хоног гэсэн ойлголтоо хөөн тооцоолоход 2018 оны нэгдүгээр сарын 10-дын орчимд Монгол Улс оффшор бүсэд ийм ийм орон багтана гэсэн бүрэн ойлголттой болох юм байна.

Ажлын явц байдлын талаар Монгол Улсын Ерөнхийлөгчид нууцын зэрэглэлтэй мэдээлэл өгснөө мөн танилцууллаа.


Авлигатай тэмцэх газрын дарга Х.Энхжаргалын цааш  ярьснаар Олон улсын Мөнгө угаахтай тэмцэх байгууллагатай Монгол Улс хамтран ажиллаж, гишүүн нь болсон. Тэдний хүсэлтээр Эрүүгийн хуульд нэмэлт оруулжээ. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд 2017 оны 4 дүгээр сарын 13-ны өдөр оффшор бүсэд банкны данс эзэмших, хөдлөх, үл хөдлөх хөрөнгө өмчлөх, хуулийн этгээд байгуулахтай холбогдсон хориглолтын нэмэлт өөрчлөлт оруулсан байна.

Уг хуульд оффшор бүсэд хамаарах гадаад улс, түүний нутаг дэвсгэрийг олон улсын эдийн засаг, банк, санхүүгийн байгууллагаас гаргасан жагсаалтыг харгалзан Монголбанк, санхүүгийн асудал эрхэлсэн төрийн төв байгууллагын саналыг үндэслэн Засгийн газар тогтооно гэж хуульчилжээ.

Ингээд 8 дугаар сарын 31-ний өдөр Засгийн газрын хуралдаанаар оффшор бүсэд хамаарах гадаад улс, түүний нутаг дэвсгэрийн жагсааалтыг баталсан ч өнөөдрийн байдлаар Засгийн газраас албан ёсоор тогтоол гаргаж баталгаажуулаагүй байгаагаас болж  аль улс орон, түүний нутаг дэвсгэрийг оффшор бүсэд хамааруулах тухай нэгдсэн ойлголтгүй хэвээр байгаа аж.

Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд зааснаар оффшор бүсэд данс нээлгэсэн, мөнгө хөрөнгө байршуулсан, хөдлөх, үл хөдлөх хөрөнгө өмчилсөн, хувь нийлүүлэх замаар хуулийн этгээд байгуулсан этгээд 3 сарын дотор дансаа хаалгах, мөнгөн хөрөнгөө татах, өмчийн эрхээ худалдах, шилжүүлэх, татах, хуулийн этгээдийн үйл ажиллагааг зогсоох, захиран зарцуулэх эрхээ худалдах, шилжүүлэх, дуусгавар болгох арга хэмжээ авах юм. Үүний дараа өмчийн байдалд орсон өөрчлөлт, орлогын талаар 30 хоногийн дотор Авлигатай тэмцэх газарт шинэчлэн мэдүүлэх үүрэг хүлээхээр болжээ.

 

Б.Алтжин 

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 18 )

Amar [ 59.153.113.171 ]      |     Лхагва, 02:18 минутанд

Ene bylduuch avilgachiig odoo ajilluulakhaa bolioch ee! Chonond khonio khadgaluulsantai adil bus uu???!!!

Бөбөчин [ 182.160.3.221 ]      |     Лхагва, 01:27 минутанд

Өөрөө офшороос нь ханж хахатлаа хахуул аваа биз дээ

зочин [ 202.131.238.150 ]      |     Лхагва, 01:12 минутанд

АТГ-н хүмүүсийг солихыг хүсч байгаа бол ШУДАРГА сольё гээд соль. Байн байн дуудаад л олоны өмнө ажил хийгээгүй юм шиг харагдуулах гэж ЖҮЖИГ битгий тогло ЗИ. Шалгагдаг байгаа асуудлыг хүртэл ил асуугаад арай биш ээ

Дорж [ 103.10.22.175 ]      |     9-р сарын 12 -нд, 13:39 минутанд

Баттулга олонд таалагдаж оноо авах гээд л. Зи хорчин АТГ-ын даргыг сольж өөрийн хүнийг тавих гэж энэ байгуулагын нэр хүндийг унагах операци з/б-д бна даа

Hute [ 172.56.42.106 ] 9-р сарын 12 -нд, 17:30 минутанд

Huts

КРА [ 103.229.121.119 ]      |     9-р сарын 12 -нд, 13:28 минутанд

МиеэЭнхболдын баруун гар АТГ-ын дарга та оффшор данстангуудын мөнгийг оруулж ирж чадаагүй нь таныг ажилдаа тэнцээгүйг гэрчилж байгаа юмшигээ...ккккк...

Б [ 202.179.31.48 ]      |     9-р сарын 12 -нд, 13:16 минутанд

Ерөнхийлөгч энэ ажилаа үргэлжлүүлж үр дүн гаргахгүй бол рейтинг будаа

battumur [ 182.160.37.150 ]      |     9-р сарын 12 -нд, 12:01 минутанд

49 honog gdg ATG,TEG,TSEG,UPEG n darga nariig ajil hiisengui gj niigemd haragduulj bgaad solih gj shahah l arga do.gadaadiin bank yu gj manaihand shalguulahav

зочин [ 202.131.238.150 ]      |     9-р сарын 12 -нд, 09:26 минутанд

ГОЛ зорилго нь АТГ-г муухай харагдуулах юм шиг байна.

зочин [ 202.131.238.150 ]      |     9-р сарын 12 -нд, 09:23 минутанд

ЯГ үнэндээ АТГ нь ПРОКУРОРЫН шийдвэрийг л харж ажилладаг юм байна. Гэтэл АТГ том нэрний дор бүгдийг хийдэг юм шиг З.ЭНХБОЛД мэдэхгүй царайлаад байх юм даа

зочин [ 202.131.238.150 ]      |     9-р сарын 12 -нд, 09:20 минутанд

АТГ хийх ажлаа хийнэ. Хөндлөнгөөс нөлөөлөхөө болих хэрэгтэй. Туйлшираад ЦАгдаагийн хийх ажлыг ч АТГ хий. Прокурор хийх Ажлыг АТГ хий. ТАТВАРЫН АЛБА хийх ажлыг АТГ хйи гээд байгаа юм шиг л санагдаад байх юм. Ерөнхийлөгч аль эсвэл АТГ-г хорхойтой шүдэндээ зуужээ. ТуйлшРАЛ.ТУЙЛШРАЛ. ТУЙЛШРАЛ. ӨМөөрөөгүй ЯГ ингэж харагдаж байна.

зочин [ 202.131.238.150 ]      |     9-р сарын 12 -нд, 09:17 минутанд

Баттулга ЕРӨНХИЙЛӨГЧ өөрөө ОФШОРТОЙ гэсэн.

Zochin [ 103.229.121.176 ] 9-р сарын 12 -нд, 14:52 минутанд

Chi tenegvv???

зочин [ 202.131.238.150 ]      |     9-р сарын 12 -нд, 09:15 минутанд

Шалгаж байгаа асуудлыг ИЛ ТОД болгох гээд байгаа нь ойлгомжгүй байна. Мэдээлэл НУУЦ юм биш үү.

зочин [ 202.131.238.150 ]      |     9-р сарын 12 -нд, 09:12 минутанд

АТГ-д Хэн нэгэн нөлөөлөх ёсгүй Хуулиараа хориотой юм биш үү. Энэ асуудал амархан шийдэгдэх ажил биш. Хугацаа хэрэгтэй. Дуудаж уулзаад нөлөөлөөд байгаа юм биш үү. Нэг л юм СОНИН байна. БҮХ юмыг АТГ шалгах ёстой гэж дайраад байх юм. Нарийндаа ШАЛГААД өгсөн юмыг тэр ПРОКУРОР нь хэрэгсэхгүй болгоод байх шиг байгаа юм. Бараг ТАТВАРЫН алба хийх ёстой ажлыг ЕРӨНХИЙЛӨГЧ маань АТГ-г шалга гээд байх шиг байсан.

rrrrrr [ 202.72.242.5 ]      |     9-р сарын 12 -нд, 08:10 минутанд

Чамайг дарга байхад хэн ч оруулж ирэхгүй шүү дээ. Харин ч чи өмгөөлж хамгаалах юм биш үү Сайн аавын нэрийг баастсан новш.

jargal [ 202.21.106.152 ]      |     9-р сарын 12 -нд, 07:39 минутанд

ajlaa hiij chadahgui baigaa ene humuusiig zailuulval taarna.....eldev tailbar taviad baigaa humuusiig zailuul.........

Гэрэл [ 202.131.245.154 ]      |     9-р сарын 12 -нд, 07:15 минутанд

Луйварчид хуулийг тоохоо байсны тод илрэл болж б.на.Мөнгө байхад яаж ийгээд зохицуулж таараа гэсэн ойлголттой учир хэзээч оруулж ирэхгүй.Цаазаар авах ялыг сэргээх хэрэгтэй б.на. Хэдэн толгой луйварчдыг цаазалж байж л номондоо орно.

Иргэг [ 122.201.24.168 ]      |     9-р сарын 12 -нд, 07:06 минутанд

Ажлаа хийдэггүй даргыг өөрчлөх цаг болжээ гэж бодов.Татварын мөнгөөр АТГ тэжээхээ болимоор юм аа

DAmbasvren [ 27.123.214.80 ] 9-р сарын 12 -нд, 09:10 минутанд

Yg vnen heljee tatbariin mongoor deerh ajil hiideggvi nohriig bvv tejee!

At [ 103.229.121.176 ] 9-р сарын 12 -нд, 14:56 минутанд

Naag ATG chini eeree ayultai bdald bgaoo! Daramtluulaad,ternees tsagdaagiin ajlaa mundag hiideg bsan shte!!!!!

zochin [ 202.9.42.49 ]      |     9-р сарын 12 -нд, 06:51 минутанд

tegeed odoo yay gj bodoj bna.

Ганаа [ 66.181.160.117 ] 9-р сарын 12 -нд, 14:47 минутанд

Офшорчдыг Эх оронгүй болгож болдог юм бол уу,хууль байна уу.