Гурван жил тарвага агнахгүй

Автор | Zindaa.mn
2017 оны 09 сарын 23

Байгаль орчин, аялал жуулчлалын сайд Д.Оюунхорол  тушаалаар  ахуйн болон үйлдвэрлэлийн зориулалтаар тарвага агнахыг 2017 оны 09 дүгээр сарын 22-ны өдрөөс эхлэн 3 жилийн хугацаанд хориглолоо. Монгол Улсын нийгэм, эдийн засаг зах зээлийн тогтолцоонд шилжсэн 1990 оноос хойш тарваганы нөөц эрс хомстож, 15 сая орчим толгой байсан монгол тарвага 2001 оны судалгаагаар 5 сая болтлоо цөөрсөн гэх харамсалтай тоо баримт гарч байжээ. Улмаар 2005, 2006, 2014 онуудад Байгаль орчны асуудал эрхэлсэн сайд нарын тушаалаар тарвага агнуурыг 3 жилийн хугацаагаар бүрэн хориглох арга хэмжээ авсан нь зарим аймагт хийсэн судалгаагаар тодорхой үр дүнгээ өгсөн байна. Устаж үгүй болсон нутагт тарвага цөөн тоогоор үзэгдэх, зарим газарт тоо толгой өсөж байгаа тухай мэдээллийг орон нутгаас ирүүлж байгаа юм. Түүнчлэн 2010 оноос тарвага сэргээн нутагшуулах ажлыг төр, хувийн хэвшлийн байгууллагууд хамтран идэвхтэй хийх болсон. Зөвхөн энэ онд Төв, Хэнтий аймгийн нутагт 200 орчим тарвагыг сэргээн нутагшуулсан нь үр дүнгээ өгч эхэлсэн талаар салбарын мэргэжилтнүүд онцолж байна. Хэдийгээр орон нутгийн удирдлагуудын зүгээс монгол тарваганы тоо толгой өссөн талаар мэдээлэл ирүүлэх болсон ч цаашид нөөцийг нэмэгдүүлэх зорилгоор агнуурыг хориглох арга хэмжээг бүх нутаг дэвсгэрт үргэлжлүүлэн авахаар шийдвэрлэлээ.

 

 

А.Уян 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
..(212.253.252.1) 2017 оны 09 сарын 23

Eee tegeed tarvaganii mah idehgvi bol vheh geed bga yum shig shvlsee goojuulsan ulun yumnuud ni 3 jil yag tesch haragdaach eeee

0  |  0
иргэн(202.9.43.204) 2017 оны 09 сарын 23

Худлаа шүү. Чамайг гэндүүлэхээр шийдэж БОЯ.

0  |  0
1111(202.179.26.23) 2017 оны 09 сарын 23

Манайханч муу юмандаа овсгойтой шүү,,,,хот хөдөөгүй тарвагны мах байсан,,3 жилийн хугцаа нь дууссан байсийм байналдаа????овоо хэдийг хороолгож аваад хугцаагын сунгаж байгаа юм байна

0  |  0
Top