Хөвсгөл аймгийнхан шинэ арсландаа гурван өрөө байр бэлэглэжээ

 Ардын хувьсгалын 96 жилийн ойн их үндэсний  баяр наадмын хүчит бөхийн барилдаанд  Хөвсгөл аймгийн Тосонцэнгэл сумын уугуул Ц.Содномдорж түрүүлж Хөвсгөл нутгаас 10 жилийн дараа дахин арслан төрсөн билээ. Монгол Улсын арслан Ц.Содномдоржийн цолны мялаалга өнгөрсөн 7 сард түүний төрсөн нутаг Тосонцэнгэл суманд болсон бол өчигдөр Улаанбаатар хотод болж  УИХ-ын гишүүн Л.Энх-Амгалан "Цэлмэг" хотхонд байршилтай гурван өрөө байрны түлхүүр, ган тулганы хамт гардуулж өгч баяр хүргэлээ.

Ц.Содномдорж  улсын их баяр наадамд есөн жил зодоглож байгаа бөгөөд энэ жил  есдэх жилдээ ес даван түрүүлжээ. Хоймор нутгийн уугуул Х.Мөнхбаатар одоогоос 10 жилийн өмнө буюу 2007 онд улсын наадамд түрүүлж арслан цол хүртэж байжээ. Хөвсгөл нутаг нь олон алдартны өлгий нутаг бөгөөд Цагаан-Үүр сумын Уялган голын 3 аваргаараа алдартай нутаг билээ. Нэг голоос төрсөн аваргууд болох Ж.Цэвээнравдан 1951 онд арав давж түрүүлж байсан бол Д.Дамдин 1956 онд ес давж түрүүлсэн, Ч.Бээжин 1970 онд ес давж тустус түрүүлж байсан түүхтэй ажээ. 

Л.Зул

www.zindaa.mn

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 1 )

zochin [ 50.103.107.182 ]      |     9-р сарын 23 -нд, 15:49 минутанд

bokh mori 2 sain unelgeetei eumaa ..oeyun yhaanii unelemj iim baihiig sonsoogyi