МҮЭХ, Багш нарын тэмцлийг дэмжиж байгаа гэв
МҮЭХ-ноос Хөдөлмөр, нийгмийн зөвшлийн гурван талт 2017-2018 оны Улсын хэлэлцээрийн хэрэгжилттэй холбогдуулан нийт гишүүддээ хандан Сонордуулга хүргүүлжээ. Сонордуулгад: “МҮЭХ-ны зүгээс энэ сарын 19-ны өдөр хөдөлмөрийн хамтын маргааныг үүсгэх шийдвэр гаргасан. Багшийн цалин хөлсийг нэмэгдүүлэх шаардлагыг биелүүлэх зорилгоор МҮЭХ болон Боловсрол, шинжлэх ухааны үйлдвэрчний эвлэлийн холбооны зүгээс “Багшийн цалин нэмүүлэх Түр хороо”-г үйл ажиллагаа явуулах нөхцөл бололцоогоор ханган, зарим арга хэмжээг хуулийн хүрээнд хамтран зохион байгуулж байна.” гэжээ.
Мөн “Засгийн газрын зүгээс ОУВС-тай хамтран Өргөтгөсөн санхүүгийн хөтөлбөр хэрэгжүүлэхдээ тодорхой заалтуудаа зөрчсөн хэмээн үзэж, нэмэлт хэлэлцээрийг эхлүүлсэн боловч Засгийн газар огцорсонтой холбоотойгоор хэлэлцээр удааширч байгаа”-г Сонордуулгад дурдсан байна.
Д.Дорж
www.zindaa.mn
Холбоотой мэдээ
Сэтгэгдэл ( 1 )
Шударга татвар төлөгчийн хувьд бидний төлдөг татвараар чанаргүй хичээл заасан нэр зүүдэг багш нар, өвчтөнөө гэсэн сэтгэлгүй эмч нарын цалинг нэмэхийг эсэргүүцэж байна.