Дархан-Уул аймагт ойн нөхөрлөлүүдийг чадавхижуулах сургалт болж байна

Ой хээрийн түймрээс урьдчилан сэргийлэх хамгаалах, түймэртэй тэмцэх талаар ойн нөхөрлөлүүдийг чадавхижуулах сургалт /2017.10.03/ болж байна. Тус сургалтыг аймгийн БОАЖГ, ОБГ, Дархан ойн нөхөрлөлийн холбоо ТББ хамтран зохион байгуулж байгаа бөгөөд сургалтыг танхимын болон хээрийн нөхцөлд явуулж байгаа ажээ.

Дархан-Уул аймгийн хэмжээнд өөрсдийн хүсэл зорилгоор нэгдсэн 58 ойн нөхөрлөл үйл ажиллагаагаа явуулдаг байна. Тэд өнөөдрийн танхимын сургалтаар Ойн нөхөрлөлийн өнөөгийн байдал, хамтын ажиллагаа, Ой хээрийн түймэртэй тэмцэхэд нөхөрлөлүүдийн үүрэг оролцоо, Нөхөрлөлүүдийн менежментийн төлөвлөлт, 2017 оны эхний 9 сарын байдлаар гарсан түймрийн тоо, хохирол, шалтгаан нөхцөл, Ойн тухай хууль, Зөрчлийн тухай хууль зэрэг сэдвийн хүрээнд мэдээлэл авч, ярилцаж, санал бодлоо хуваалцлаа.  

Харин Хээрийн өртөөчилсөн дадлага сургалтыг өнөөдөр 14:00 цагт аймгийн ОБГ-аас бэлтгэсэн дадлага сургалтын газарт хийх юм. Энд ой хээрийн түймэр унтраах гар багаж хэрэгсэлтэй танилцах, үлээгч, ус шүршигч аппаратуудтай ажиллах зарчимтай танилцах дадлага, эмнэлэгийн анхан шатны тусламж үзүүлэх арга ажиллагаа, газар зүй – орон зайн дадлага зэрэг сургалтыг явуулна.  

М.ГҮНЖИЛХАМ

Дархан-Уул аймаг


 

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )