Монголд “Эдгэрдэг хамгаалалтын хальс” үйлдвэрлэж эхэллээ

Дэлхийн нийтийн өдөр тутмын хэрэглээ болсон гар утас, түүнийг дагалдах хэрэгслүүд цаг хугацааны туршид хувьсан өөрчлөгдөж байна. Монголчуудын хувьд холыг ойртуулж, хоёрыг учруулдаг гар утас хэмээх төхөөрөмжтэй танилцаад 20 гаруй жилийн нүүрийг үзэж байгаа бөгөөд өдгөө түүнийг өдөр тутмын хэрэглээ болгоод зогсохгүй гар утасны дагалдах хэрэгслийг үйлдвэрлэдэг болжээ.

Тодруулбал, өнгөрөгч оноос эхлэн монгол залуус “XPEL” хэмээх “эдгэрдэг” хамгаалалтын хальсыг үйлдвэрлэж, зах зээлд нэвтрүүлээд байна.

Өөрийн гар утсаа энэхүү хальсаар хамгаалсан байхад алхаар, сүхээр балбасан ч хагарахгүй давуу талтай ажээ.

Хамгийн чухал нь энэхүү бүтээгдэхүүн монгол залуусын ур ухаанаар бий болсон, Монголд үйлдвэрлэсэн хамгийн анхны гар утасны хамгаалалтын бүтээгдэхүүн гэдгээрээ онцлог юм.  

2017-01 сар. “Зиндаа” сэтгүүл №2 /502/