80 мянган ам.долларын шагналын сантай тэмцээнд манай хоёр бөх зодоглоно

2017 оны 11 сарын 17

Чөлөөт бөхийн эрэгтэйчүүдийн “Аланы” олон улсын тэмцээн энэ сарын 18-19-нд ОХУ-ын Владикавказ хотод болно. Хойд Осетийн нийслэлд манай улсаас “Хасу-Мегастарс” клубийн хоёр тамирчин зодоглохоор өнгөрсөн лхагва гарагт эх орноосоо мордсон талаар МЧБХ-оос мэдээллээ.

Тодруулбал, 61 кг-ын жинд Азийн АШТ-ий хүрэл медальт, “Монголиа Опен” ОУТ болон Монгол Улсын хошой аварга ОУХМ Батсайханы Нэмэхбаяр, 86 кг-д “Лас-Вегас-2015” ДАШТ-ий мөнгөн медальт, Азийн АШТ-ий хошой мөнгө, гурван хүрэл медальт, гавьяат тамирчин Пүрэвжавын Өнөрбат хүч үзэх юм.

ОХУ, Гүрж, Украин, Казахстан, Беларусь, Армен, Монгол, Словак, Герман, Турк, Болгар гэсэн 11 орны бөхчүүд оролцох тэмцээний нийт шагналын сан 80 мянган ам.доллар бөгөөд жин тус бүрийн аварга 5000, мөнгө 2000, хүрэл медальтан 1000 “ногоон”-ы шагнал хүртэх аж.

Д.Тамир

WWW.ZINDAA.MN

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Sonirhogch (202.9.43.118)  2017 оны 11 сарын 18

Unuruu sain uzvel hurel avch medeh yum da

0  |  0
unshigch (202.21.106.170)  2017 оны 11 сарын 17

2 bohdo amjilttai oroltsod mediali awarai

0  |  0
Top