М.Энхболд: Сонгуулийн үр дүн нь зөвхөн нэр дэвшигчийн хувийн амжилт биш

Монгол Ардын намын XXVIII Их хуралд Монгол Ардын намын дарга М.Энхболдын тавьсан улс төрийн илтгэлээс онцлох 10 ишлэлийг хүргэж байна.

  1. Манай намын Их хурал болгон Монгол орны шинэ ирээдүйд тэмүүлсэн түүхийн тод хуудас, хөгжил дэвшлийг тодорхойлогч түлхүүр хүчин зүйл болж ирсэн юм.
  2. Манай намын гол үнэт зүйл бол эв нэгдэл юм.  Энэ үнэт зүйлийнхээ ачаар л бид түүхэн цаг хугацааны туршид алдаж оносон аливаа бүхнээ зөв дүгнэн, оновчтой шийдэж ирсэн уламжлалтай. Бусад улс төрийн хүчинтэй харьцуулахад эв нэгдлээ үнэт зүйл болгосон нь бидний маргашгүй давуу тал билээ.
  3. Намын эв нэгдлийн асуудлаар тусгай хөтөлбөр боловсруулан батлуулах боломжтой гэж үзэж байна. Эрдэмтэн мэргэд, ахмад буурлууд, залуучуудын төлөөллийг оролцуулан боловсруулах энэхүү “Намын эв нэгдлийн хөтөлбөр”-т намынхаа үзэл баримтлал, үнэт зүйлсийг хүлээн зөвшөөрч, дагаж мөрдөх сахилгыг намын гишүүд, ялангуяа төрийн өндөр албан тушаал хашиж буй гишүүддээ төлөвшүүлэх, тэдэнтэй гэрээ хэлцэл байгуулдаг, хэрэгжилтийг нь дүгнэж хянадаг тогтолцоог бүрдүүлэх нь зөв юм.
  4. Манай намд улс төрийн шинэчлэл зайлшгүй хэрэгтэй байна. Шинэчлэл бол нэг удаа хийгээд өнгөрдөг урсгал засварын төдий ажил биш, байнга үргэлжилж байх тасралтгүй үйл явц юм.
  5. Монгол Ардын нам буруудсаныг засаж, уруудсаныг өөд татна гэж Монголын ард түмэн итгэж, хүлээсээр байгааг мартаж хэрхэвч болохгүй.
  6. Сонгуулийн үр дүн нь зөвхөн нэр дэвшигчийн хувийн амжилт биш, нам хэмээх үндэсний хэмжээний байгууллагын бодлогын ялалт, хамтын хүчин чармайлтын үр дүн юм.
  7. Засаглалын бүх түвшинд хариуцлага, сахилгыг чангатгаж, шударга ёсны зарчмыг чанд сахих, авлигаас ангид байх нь нам урт хугацаанд тогтвортой оршин тогтнохын үндэс мөн.
  8. Гишүүд, дэмжигчидтэйгээ ямагт хамт, ойр байх зарчмыг лоозогнолоос салгаж, энгийн бодит үйл ажиллагаа болгох нь шинэчлэлийн чухал зорилтын нэг юм. Намын үүр, хороодын ажил гишүүд рүүгээ л чиглэх ёстой.
  9. Намаа засах, шинэчлэх түүхэн тодорхой шийдвэрийг энэ Их хурлаараа Та бид гаргаж, намын нийт гишүүд, дэмжигчдийнхээ өгсөн даалгаврыг биелүүлэх учиртай. Улмаар намын бодлого, үйл ажиллагааны шинэчлэлийг төрөө засах, түмнээ амар түвшин болгох амин чухал асуудлыг шийдэх түлхүүр хэмээн  үзэж, энэ эрхэм үүргийг нэр төртэй биелүүлэхийн төлөө хичээн чармайж ажиллахыг уриалж байна.

      10. Төрийн бодлого, үйл ажиллагааны залгамж чанарыг хадгалах, улс төрийн тогтвортой байдал,  Засгийн газрын хэвийн ажиллах нөхцөл боломжийг бүх талаар хангах зарчмыг бид тууштай баримталбал зохино. Сөргөлдөж тэмцэлдэхийг хойш тавьж, гар нийлэн ханаа дугуйлж, санаа нийлэн  тоосгоо өрж байж л өргөө гэрээ босгож чадна. 


Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 8 )

ard [ 188.166.20.247 ]      |     11-р сарын 20 -нд, 06:40 минутанд

ene Hurelsuhiin huwiin kompani bish shuu

hangal [ 139.59.3.30 ]      |     11-р сарын 20 -нд, 06:39 минутанд

Hurelsuh namiin darga bolwol nam maain hzeech negdheerguiger butsarch unah baihdaa

Gantulga [ 208.123.223.254 ]      |     11-р сарын 20 -нд, 06:37 минутанд

МАН бол түүхэн нам...100 жилийн ойгоо амжилтаар угтах эсэхээ Намын их хурлаараа шийдэх гэж байна. Намын Дарга хэн болохоос шалтгаалж 2020 оны ялалт ялагдал шийдэгдэнэ. Өөрөөр хэлбэл энэ хурлаас 100 жилийн ойгоо инээж угтах уу? Уйлж угтах уу? Гэдэг нь шийдэгдэнэ. Сонголт 1309 хүний гарт байна... Зөвхөн Ман ч биш Монголын ялалт ялагдал энэ МАН-ИХ ХУРЛЫН ГИШҮҮДийн гарт байна... Цорын Ганц сонголт нь У.Хүрэлсүх.

Бат [ 37.172.254.191 ]      |     11-р сарын 20 -нд, 06:14 минутанд

Эв нэгдэл гэж эвлэж идэж ,хувилдаж хулгайлахыг ард түмнийг цагаан цаас мэт төсөөлж түүн дээрээ дураараа эрээчхийг хэлддэгүй юм газарийн панзчин гуай.......

zochin [ 202.179.31.113 ]      |     11-р сарын 20 -нд, 06:08 минутанд

oodoo hayasan chuluu ooriin tolgoi deer gegch bolj bna busdad buruu ogoh hereggui

Бат [ 37.172.254.191 ]      |     11-р сарын 20 -нд, 06:07 минутанд

Мафийн толгойлогч

Мгл [ 66.181.182.224 ]      |     11-р сарын 20 -нд, 05:43 минутанд

Хорчин

Мгл [ 66.181.182.224 ]      |     11-р сарын 20 -нд, 05:43 минутанд

Хорчин