”Охидын дуу хоолой”-г сонсжээ

  Насанд хүрээгүй охид хүүхдүүд хүчирхийлэлд автаж буй тухай мэдээ мэдээлэл тасралтгүй үргэлжилсээр. Тэгвэл Баян-Өлгий аймгийн Насан туршийн боловсролын төвөөс охидын эрхийг хамгаалах, тэдний мэдлэг, боловсролыг дээшлүүлэх зорилгоор "Охидын дуу хоолой" хэлэлцүүлгийг энэ сарын 15-21-нд   зохион байгуулжээ.

"Охидын дуу хойлой" хэлэлцүүлэгт аймгийн төвийн ерөнхий боловсролын сургуулиудын 7-12 дугаар ангийн 500 гаруй сурагч хамрагдсан байна.

Дээрх хэлэлцүүлгийн үеэр тус төвийн багш нар "Охидын эрхийг хамгаалах",  "Охидын эрүүл мэнд ба шилжилтийн нас", "Үерхэл ба нөхөрлөл", "Жендерийн эрх тэгш байдал" сэдвүүдээр хичээл зааж, сурагчдын санал бодлыг сонсжээ. Мөн цаашид охидыг гэмт хэргийн хохирогч болох, гэмт хэрэг үйлдэхээс урьдчилан сэргийлүүлэх, нөхөн үржихүйн боловсрол олгох чиглэлээр сургуулиудын "Охидын зөвлөл"-ийн үйл ажиллагаанд дэмжлэг үзүүлж, арга зүйн зөвлөгөө өгөн хамтран ажиллахаар болсон гэж тус аймгаас мэдээллээ.

Л.Зул

www.zindaa.mn