Шакира, Пике нар салаагүй

 Өдгөө 40 настай дуучин Шакира 30 настай хөлбөмбөгчин Жерар Пике нар 2010 оноос хамтдаа байгаа билээ. Тус онд хөлбөмбөгийн ДАШТ-ний үеэр дотноссон тэд одоо хоёр хүүтэй. Долоон жилийн хамтын амьдралынхаа дараа тэд хуримаа хийх гэж байгаа талаараа ярьж байсан юм. Харин хоёр сарын өмнөөс тэднийг тусдаа байх болсон гэсэн мэдээлэл явах болжээ.

Олон улсын хэвлэлүүдийн мэдээлж байгаагаар, Пике Шакираг хардсан бололтой. Шакира хөгжимчин Ники Жемтэй клипэн дээрээ хамтран ажиллах үеэрээ тийнхүү нөхөртөө хардуулжээ. Гэхдээ тэд салаагүй гэдгээ илэрхийлж, Пике “Instagram”-даа хүүхдүүдийнхээ болон гэр бүлээрээ байгаа зургаа нийтэлсэн байна. Шакира, Пике нарыг Барселонагийн төвд машинтай явж байхад нь папарацчид зургийг нь авч амжжээ.

О.Саша

WWW.ZINDAA.MN