”Шарк танк” нэвтрүүлэг үргэлжлэх үү?

“Монгол HD” телевизээр үзэгчдэд хүрч буй “Шарк Танк” шоу нэвтрүүлгийн эхний улирлын дугаарууд үзэгчдийн хүртээлд хүрсэн билээ. 

Монголын телевизүүдийн дунд бизнесийн номер нэг реалити шоу хэмээн аль хэдийнэ өргөмжлөгдөх болсон тус нэвтрүүлгийн хөрөнгө оруулагчаар ”Гацуурт” компанийн ерөнхий захирал Л.Чинбат, ”Хас” банкны ерөнхий захирал Г.Амартүвшин, ”Монгол базаалт” компанийн ерөнхий захирал Л.Ариунболд  “Өгөөж чихэр боов” компанийн ерөнхий захирал С.Түмэнгэрэл, ”Мак” компанийн ерөнхийлөгч Н.Цэлмүүн нар оролцсон билээ.

Шоу нэвтрүүлгийн үеэр хөрөнгө оруулагчид өөрсдийн сонирхсон, шинэ содон, ашигтай гэж үзсэн төслүүддээ хөрөнгө оруулалт хийсэн билээ. Тухайлбал, “Артур-Уяач” аппликэйшн, “Солонго гэрэл-Оньс room”, “Цагаантуяа тарваа” эртний хүнс дайвар бүтээгдэхүүний үйлдвэрлэл, “Амар асар”, “Никел Ганбаа” унадаг дугуйны үйлдвэрлэл, “Арви” үндсэн үнийн дэлгүүр, "Мөөжиг" эко мөөгний үйлдвэрлэл зэрэг олон арван бизнес төслүүдэд нийт 1.5 тэрбум төгрөгийн хөрөнгө оруулалтыг хийжээ. Сонирхуулахад, дараагийн улирлын оролцогчдыг аль хэдийнээ бүртгээд эхэлжээ.

С.Баяр

Эх сурвалж: Zindaa.mn