Алсан чонынхоо цусыг савируулан машиныхаа хамар дээр тохоод хотын төвөөр давхих нэгэн, талын зээрийн хөлийн хурдыг нь эцээн байж төмөр хүлгээр дайрч алж байгаа хөгийн залуус, зэрлэг гахайг тарчлаан тарчлаан алчихаад тэвэрч ирээд л зургаа даруулсан тэрс залуу, өчнөөн халуун амь тасалчихаад өчүүхэн ч болов өрөвдсөн шинжгүй цус нөжийг нь харан баясах балмад этгээдүүдийн зураг, дүрс бичлэгийг интернэтээс олж хараад халаглах сэтгэл өөрийн эрхгүй төрөх...
Амьтны амийг тасалчихаад ажирсан ч юмгүй, аархаж байгаа "анч" хэмээх алуурчдын тухай яг жилийн өмнө бичиж байлаа. Ахиад энэ тухай асуудлыг хөндөхгүй бол хөөрхий амьтдаар зугаа хийгээд зогсохгүй цус асгарсан зургийг нь сошиалд тавьдаг нөхдүүд нэлээн олон бололтой. Хүний үнэр гээч зүйл тэдэнд байна уу.
Мал муулахаа хүртэл хүүхдэдээ үзүүлдэггүй монгол уламжлал минь хаачив. Амьтны амийг таслах хэчнээн муухай зүйл болох, байгаль дэлхийдээ энэ амьтад байсан бол хэчнээн хэрэгтэй билээ, экологийн тэнцвэрт байдалд ан амьтны оролцоо хэчнээн чухал болох, амьд бүхний амь амьдрал бидний амьдралаас ялгаа нь юусан билээ гэх бодол ганцхан надад ч бус өөр бусад мянга, мянган хүний толгойд зургийг хараад зурсхийсэн нь лавтай.
Магадгүй амьтныг хайрлан хамгаалах сэрэл сэдлийг интернэтэд тавигдсан энэ зургуудаас хүмүүс мэдэрч байгаа нь ямар ч сургалт семинараас илүү үр дүнтэй юм шиг надад санагдлаа. Тийм болохоор зэрлэг ан амьтнаа хамгаалах, хууль бус ангийн хэргийг багасгахын тулд фэйсбүүк, твиттер, цахим хуудас, сонин хэвлэлийг сайтар ашиглах нь хамгийн оновчтой арга болохоор байна. Байхаар барах уу Улсын мөрдөн байцаах газраас он гарсаар хууль бус ангийн дөрвөн ч хэргийг цахим хуудас дээр тавигдсан зургаар мөрдөж илрүүлснийг ч албаны хүний амнаас сонслоо. Хэрвээ тийм зураг интернэтэд тавигдаагүй байсан бол тэр хэрэг илрэхгүй, илрэх нь бүү хэл тийм төрлийн гэмт хэрэг дахин дахин гарах нь ойлгомжтой.
Бидний мэдэх төрийн түшээд, олны дунд “од” хэмээгдэх эрхмүүд хүртэл алсан амьтныхаа зургийг аархалтай нь аргагүй интернэтэд тавьсан байдаг. Тэдний тийм харгис араншин хийгээд хуулийг гууль болгож явдаг үнэн төрхийг зургийг нь харж байж л хүмүүс сая хэн болохыг нь ойлгосон. Бурууд нүд хурц гэдэг. Тийм болохоор бусармаг ийм төрлийн анчдыг “байхгүй” болтол нь шэйрлээд өгөхийг уриалж байна.
Тархийг нь зад буудаж, цус нөжтэй нь хольсон чонын дэргэд зургаа авахуулсан нэгэн эрхэм гишүүн патиарынхаа ард “Ан хийж хийморио сэргээв. Төдөн сарын төдөн” гэснийг нь хэдэн жилийн өмнө харж байлаа. Яаж ч бодоод амьтан алахаар хийморь сэргэдэг гэх ойлголт байж боломгүй санагдах.
Гэтэл эгэл иргэн бас ийнхүү зургаа авахуулсан байхыг саяхан хараад бас л бодолдоо дарагдав. Тэрбээр мөн л хийморь сэргээсэн тухай татлан бичжээ. Ан хийх, амьтан алах харин ч нүгэл санагдана. Монголчууд ан хийдэг хүнийг “Нүгэлт хар гөрөөчин” гэж зүгээр ч нэг нэрлээгүй нь лавтай.
Хууль бус ан хийвэл дараах торгуультай
Хууль бус ан агнуур гэдэг нь нотлогдсон тохиолдолд гэрэл зураг дээрх хүмүүс хуулийн хариуцлага хүлээнэ. Тухайлбал хууль бусаар саарал чоно агнасан тохиолдолд 1.2 сая, хүрэн баавгай агнавал 15 сая, зэрлэг гахай агнасан тохиолдолд 1.4 сая, цагаан зээр агнасан бол 1.1 сая төгрөгөөр торгоно. Түүнчлэн эрүүгийн хэрэг үүсгэн таван жил хүртэлх хугацаагаар хорих ялаар шийтгэдэг юм байна.
С.Баяр
Эх сурвалж: Zindaa.mn
Сэтгэгдэл ( 27 )
Агнасан ангаа авч явахдаа эмх цэгцтэй хүүхэд эмэгтэйчүүд хөгшдийг айлгахгүй байхад анхаарах хэрэгтэй юм. Зохих хэмжээнд агнаж байж л зөв зохистой харьцааг баринаа. Тэгээд ч ан хийх тэнхээтэй, эв дүйтэй эрчүүд эх оронд хэрэг үүсвэл тус болно. Эхлээд биесээ, хүмүүсийг хайрлаж сурсан нь дээр.
Машины цонхыг нь хага цохиод растворитель асгаад чүзэнд шидчих
Нүгэлтэнгүүд
за даа нөгөө монголчуудыг номхон хүлцэнгүй шалдан лам болгож аргамжиж хороож номхотгосон гэдгийн илрэл өөрсдийгөө малч нүүдэлч ард түмэн гэж цээжээ дэлдэгчид амьтаны амь хороохгүй тэр тийм ийм газар гэж үлгэр домогоор хууртдаг шигээ одоо нарийн шуумагт өмдтэй царайлаг сайхан ганхсан буу байтугай бариад идэх хутгагүй ах дүүдээ өх өрөвч сэтгэлгүй мөртөө нохой муур амьтан тэжээж тэдэнийхээ зоог болдог хүмүүс шиг аягладаг бол хэсэг хүмүүс энэнийн далимдуулж өөрсдийнхөө ашиг харж бичиж сууна уу даа
hunii unergui nobshnuud yumaa.
МАН-ЫНХАН ҮНЭХЭЭР ТОМ БАЙНА АА.АРД ТҮМНИЙГ ДОРОМЖИЛЖ АЙЛГАЖ БАЙГАА ЮМ БАЙХ ДАА.ЁСТОЙ ХУЦВАА.БУУГҮЙ Ч ТА НАРТАЙ АЛАЛЦАХ БОЛНО ДОО.
Хэлээд нэмэргүй нөхдүүд шүү дээ.Шөнө зүүдэнд нь ордоггүй л юм байх даа. Өөрсдөө энэгайгаа үүрэнэ Харж л яв амьдрал нь яахийг.Амьтаны амь хүний амьнаас ялгаа юу байхав.
Odoo tsagt an hiigeed demii bgaa hden an ni duusaad ulaan nomnii helterhii bollo.usguj vrjvvleed aylal juulchlaliin safari bolmoor yum
Иш зайлуул тэр чоны анчдыг хардаа. Толгойд нь тусгаж чадаагүй байж яаж гайхуулж байгаагий нь. Дан гэдэс цээжээр нь шүү. Ингэж бууддаггүй юм за
An hiih muu zuil bish shuu.
UDAHGUI UDAM SUDARAAS CHIN TSUSAND BUDAGDAJ UHEH BAILGUI. ESVEL ED NAR OORSDOO CH TUN UDAHGUI UHEH L BOLNO DOO . HARJ L BAIGAARAI.
Хөгийн сайн алуурчид кармын сав нь дүүрээд үхжхийн цагтаа өөрсдөө яана даа гэж бодож бн.Заавал өр төлөөс гэж байдаг
Тэнэг хүүр тэнэгээ гайхуулах
Ан агнах гэдэг бол уламжлалт дэлхийн олон улс оронд өнөөдрийг хүртэл өвлөгдөн ирсэн ёс заншил юм.Та бүхэн тв ээрээ хүртэл ан агнуур хийж байгааг олон харуулсан олон сувгууд нэвтрүүлж байгаа.Бүгдээрээ сайн бодий лдоо.Зарим хүн ууланд авирах дуртай.зарим нь хөзөр тоглох дуртай.зарим нь өөр өөрийн янз бүрийн сонирхолтой байдаг.Ан агнуур үүнийл нэг хэлбэр юм.Бидний эцэг өвгөдийн намтарыг харахад ихэвчлэн мал маллан ан гөрөө эрхлэн амьдарж байсан гэж бмйдаг л даа.Бас шүүмжилж байгааг зөвшөөрч байнаа.Буруу үлгэр дууриал үзүүлж байна .За чоно гэдэг амьтан бол яах ч аргагүй малын дайсан шүү .Манай
Nogo mongo idsen gahainuudiig ingej agnaach
pYAZDANUUD
ер нь аливаа амьтан, загас жараахай алчихаад зургаа авхуулдаг зайлуул юуч үзээгүй мангар пацаануудыг ерөөсөө ойлгодогүй юм. өөрсдийгөө хэдэн жилийн дараа ухаан суучихаад хараад ичиж үхдэг болов уу?
Наад үхсэн чоныхоо оронд нэг том оффшорыг энгээд явж байвал чамд олон мянган хүн баярлах байсан юм. Чи ч овоо тэнэг гар бололтой.
Хууль цагдаагийнхан ийм баримттай зүйл харуулаад байхал арга хэмжээ хэрэгтэй ш дээ.
Чоныг бол алах хэрэгтэй, бяруу, унага, даага, гээд аль залуу жижигииг нь барьж иддэг. Хангай талын малчид шөнө унтаж чадахгүй байна шүү дээ, алахгүй болохоор улам их үржиж олширч бна, хэдэн жилийн өмнө нэг жирэмсэн эмэгтэй харьж явах замд нь чоно идсэн
taalagdahgui bn .amitnii ami horoochihood gaihuulaad bgaa yum uu daa