Үндсэн хуулийн нэмэлт, өөрчлөлтийн талаар 300 гаруй мянган хүн саналаа өгчээ

 

“Үндсэн хуульд нэмэлт, өөрчлөлт оруулах онол-практикийн асуудлууд”  сэдэвт эрдэм шинжилгээний бага хурал Төрийн ордонд болж байна.

Хурлаар Үндсэн хуульд оруулах нэмэлт, өөрчлөлтийн төсөл, олон нийтээр хэлэлцүүлсэн дүнгийн тухай Ажлын хэсгийн мэдээллийг сонслоо. Мөн 1992 оны Үндсэн хууль, түүний хэрэгжилтээс үүдэн гарч байгаа үр дагавар, Нэмэлт, өөрчлөлт оруулах онол, арга зүйн асуудал, Үндсэн хуулийн шинэчлэлийн зарим асуудал, Үндсэн хууль дахь төрийн эрх мэдлийн хуваарилалт ба эрх мэдлийн хяналт-тэнцэлийг хангах, Засаг захиргаа, нутаг дэвсгэрийн нэгж, түүний удирдлага ба төрийн албаны тогтолцоог боловсронгуй болгох талаар хэлэлцэв.

УИХ-ын Ажлын хэсгийн гишүүн, Монгол Улсын сайд, Засгийн газрын Хэрэг эрхлэх газрын дарга Г.Занданшатар “Нэмэлт, өөрчлөлтийн төслийг олон нийтээр хэлэлцүүлсэн байдал, олон нийтийн санаа бодол”-ын талаар танилцууллаа.

Танилцуулгаас үзвэл 327 мянга гаруй хүн хэлэлцүүлэгт оролцсон бөгөөд нийт иргэдийн санал нь давхардсан тоогоор 5.6 сая-д хүрчээ. Санал өгсөн иргэдийг насны ангиллаар нь үзвэл 32,2 хувь нь 18-35 насны залуус, 19,8 хувь нь 36-45 насны, 16,1 хувь нь 46-55 насныхан байна.

Иргэд сонгуулийн тогтолцоог хуулиар тогтоох, тухайн жилийн төсвийн төсөлд зардлын шинэ төрөл үүсгэх, зарлага нэмэгдүүлэхийг хориглох, Ерөнхийлөгч УИХ-ыг тараах шийдвэр гаргах эрхийг нарийвчлах, Ерөнхийлөгчийн хууль санаачлах эрхийг хасах, Ерөнхий сайд болон Засгийн газрын нийт гишүүний гуравны нэг нь УИХ-ын гишүүн байж болохоор хязгаарлах, Ерөнхий сайд танхимаа бүрдүүлэх, долоо хүртэл яамыг нэмж байгуулах саналыг УИХ-д оруулах, үндсэн чиг үүргийн таван яамыг Үндсэн хуульд нэрлэх, заахыг дэмжжээ.

Мөн төрийн жинхэнэ алба нь мэргэшсэн, тогтвортой байх, шатлан дэвших зарчимд үндэслэх, хараат бус байдал, үйл ажиллагааны эрх зүйн үндсийг нь хуулиар тогтоох, төрийн албан хаагчийг улс төрийн шалтгаанаар ялгаварлан гадуурхах, сонгуулийн дүнгээр болон хуульд зааснаас бусад үндэслэлээр халах, чөлөөлөхийг хориглох, баг, тосгон, хорооны Засаг даргыг харьяалах сум, дүүрэг, хотын Засаг дарга шууд томилох нь зүйтэй гэж үзсэн байна.

Манай улс 1924 онд анхны Үндсэн хуулиа баталж Ази тивдээ анхдагч болсон. 1940 онд хоёрдахь удаа баталж, 1960 онд нэмэлт, өөрчлөлт оруулсан байна. Хамгийн сүүлд буюу 1992 онд шинэ Үндсэн хуулиа баталсан юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

 

 

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 4 )

Зочин [ 66.181.191.66 ]      |     12-р сарын 18 -нд, 16:32 минутанд

Захиргаадалтын үeийн улс төрийн товчооны 9 хүн улс орныг авч яваад ажилгүй хүн бараг байхгүй болоод л байсан.Та нар улс орныг хоосруулж ард иргэдээ ядууралд оруулчихаад юу гээд солиороод байгаа 76 мунхаг малнууд вэ

Зочин [ 66.181.191.66 ]      |     12-р сарын 18 -нд, 16:28 минутанд

Нэг нам дангаараа ноёрхож байгаа цагт үндсэн хуульд өөрчлөлт оруулна гэж ярихын ч хэрэггүй.

Сарантуяа [ 202.70.47.158 ]      |     12-р сарын 18 -нд, 05:27 минутанд

УИХ-ын үишүүдийн тоог цөөлөх\21-35 хангалттай\, улсад ажил хийж үзээгүй юмнуудыг сонгохгүй байх, үл бүтэх этгээдүүдийг эргүүлэн татах заалтыг оруулах хэрэгтэй. Түрүүчийн санал авалт, нүдээ олоогүй, авах ёстой хүмүүс бахйгууллагаас аваагүй шүү дээ. Хоосон тоо гаргаж, хүмүүсийг хуурахаа болих хэрэгтэй.

ИРГЭН [ 202.179.27.54 ]      |     12-р сарын 18 -нд, 04:38 минутанд

ХУЛГАЙЧУУД АА.МИНИЙ САНАЛ ХААЧСАН БЭ.УИХ-ЫН ГИШҮҮНИЙГ ЭГҮҮЛЭН ТАТАХ САНАЛЫГ ОЛОН ХҮН ГАРГАЖ БАЙСАН.ЛУЙВАРЧИД АА.ТА НАРЫГ ИРЭХ СОНГУУЛИАР БҮР МӨСӨН УСТГАЖ ХАЯЧИХААД НААД ХУУЛИЙГ ЧИНЬ АВЧ ХАЯНА ДАА.МАН-ЫГ ҮЗЭН ЯДАЖ БАЙНА.