МИАТ болон Монгол банкны үйл ажиллагаанд аудит хийнэ

УИХ дахь Эдийн засгийн байнгын хорооны хуралдаанаар “Үндэсний аудитын газрын 2018 онд гүйцэтгэх аудитын сэдвийг баталлаа.

 Төсвийн байнгын хорооны хуралдааны хэлэлцүүлгийн явцад Улсын Их Хурлын гишүүдээс гаргасан саналын дагуу хасагдсан аудитын сэдэвт:

• Батлан хамгаалах яам 
• Засгийн газрын авто баазын үйл ажиллагаа
• Төрөөс бага боловсрол олгож байгаа байдал
• эмийн эргэлтийн сангийн үйл ажиллагаа
• Монгол Улсын эдийн засаг, нийгмийг 2017 онд хөгжүүлэх үндсэн чиглэл 
• Засгийн газрын үйл ажиллагааны хөтөлбөрийн хэрэгжилт
• Эрдэс баялгийн талаар баримтлах бодлого зэрэг аудитын сэдвүүдийг хасаж, Эрдэнэс Тавантолгой ХК-ийн үйл ажиллагаатай холбоотой аудитын гурван сэдвийг нэгтгэж нэг болгожээ.

Мөн Улсын Их Хурлын гишүүд болон Авлигатай тэмцэх газраас Төвсийн байнгын хороонд ирүүлсэн саналын дагуу 2018 онд хийгдэх аудитын сэдэвт:

• Төрийн сан
• Орон нутгийн хөгжлийн сан
• Сум хөгжүүлэх сангийн үйл ажиллагаа
• 2018 оны төсвийн тухай хуулийн хэрэгжилт,
• Гүйцэтгэх ажиллагааны зардал,
• Монголын иргэний агаарын тээвэр МИАТ ХК 
• Монгол банкны үйл ажиллагаанд аудит хийлгэхээр тусгалаа.
  

 Улсын төсвөөс эргэн төлөгдөх нөхцөлтэй концессын “барих- шилжүүлэх” төрлөөр хэрэгжүүлж байгаа төсөл, арга хэмжээний хэрэгжилт хийгдэх гүйцэтгэлийн адуитын хугацааг 2018.01.01-ээс эхэлж, 2018.07.01-нд дуусгах” санал гаргасныг хуралдаанд оролцсон гишүүдийн 90.9 хувь нь дэмжсэн юм.

Ш.Адъяамаа