Японы эзэн хаанд баяр хүргэхээр урьд хожид байгаагүй олон хүн цугларчээ
Японы эзэн хааны ордоны гадна маш олон хүн цугларч Акихитод 84 насны төрсөн өдрийн мэнд хүргэжээ. Иргэд түүнчлэн эзэн хааныхаа хэлэх үгийг сонсохоор идэвх гарган очсон байна. “NHK” телевизийн мэдээлснээр эзэн хаан “Өнөөдөр шиг ийм хүйтэн өдөр би хүнд нөхцөлд, хар салхи болон байгалийн бусад гамшигт өртөн амьдарч байгаа ард иргэддээ санаа зовж байна. Зүүн Японд 2011 онд болсон их газар хөдлөлт шиг зүйл бүү тохиолдоосой. Ирэх жил илүү тайван амгалан байгаасай гэж найдаж байна” гэжээ.
Токио хотын төвд байх эзэн хааны ордоны гадна 45 мянган хүн цугларсан нь урьд өмнөхөөсөө хамгийн олон иргэн эзэн хаандаа төрсөн өдрийн мэнд хүргэсэн явдал болжээ. Акихито хаан 84 насныхаа төрсөн өдрөөс эхлэн титмээ шилжүүлэн өгөхдөө бэлтгэж эхлэхээ мэдэгдэж байсан билээ.
О.Чанцаа
Холбоотой мэдээ
Сэтгэгдэл ( 2 )
уламжлалд суурилсан хөгжил өө гэж.
Энэ эзэн хаан маан гэж илүүц хоцрогдсон юмнаасаа салмаар юм самуурайчууд хүн биш чөтгөр харгис гаж чөтгөрүүд