2017 оны 12 дугаар сарын 26-ны өдрийн байдлаар Замын цагдаагийн албаны ЖШУХ нийт 357 дуудлага хүлээн авсан байна. Үүнээс зам тээврийн ослын 275 дуудлага бүртгэгдсэн бөгөөд осол хэргийн улмаас 7 хүн гэмтэж бэртжээ. Тухайн өдөр согтууруулах ундааны зүйл хэрэглэсэн үедээ замын хөдөлгөөнд оролцож зам тээврийн осол, хэрэгт өртөж холбогдсон жолооч 3, явган зорчигч 1 бүртгэгдсэн байна.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 2 осол, мөргөлдөх хэлбэрээр 6 осол, үл хөдлөх зүйл мөргөсөн 1 осол тус тус бүртгэгджээ. Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 39 жолоочийг илрүүлэн саатуулж ажилласан байна. Тухайлбал, СХД-ийн нутаг Толгойтын замд H.Civic маркийн автомашины жолооч Т нь явган зорчигч Т-г мөргөж гэмтээгээд ослын газрыг орхиж явсныг алба хаагчид эрэн сурвалжилж илрүүлсэн бөгөөд жолооч согтууруулах ундааны зүйл хэрэглэсэн үедээ тээврийн хэрэгсэл жолоодсон байжээ.
Б.Янжиндулам
www.zindaa.mn
Сэтгэгдэл ( 0 )