Өгүүлэгч О.Батсүх: Сарны охин

Та бүхний сэтгэл оюуныг цэнгүүлэх  “Зиндаа найраг” булангийн энэ удаагийн дугаараар яруу найрагч Дорждамбын Баттогтохын "Сарны охин" шүлгийг сонордуулъя.


САРНЫ ОХИН

Чиний бороо тоссон алга чинь

Дөнгөж ниссэн шувууны үүр шиг халуухан юм.

Чиний нар ичээсэн харц чинь

“Дөрвөн уул”-ын цэнхэр аялгуу шиг бүлээхэн юм.

Чи

Одтой шөнөөр олж хараагүй од юм.

Чи

Одоо хүртэл бодоод санаанд минь ороогүй шүлэг юм.

Чи миний сэтгэлд тооноор унах цасан ширхэг мэт буусан.

Би чиний буух замаар гэртээ харьж явсан.

Хэзээ ч билээ, нойрондоо сонссон үгийг минь чи шивнэж,

Хэлсэн үгнээс чинь миний тарьсан алимны модны цэцэг үнэртэж байсан.

Аньсан нүд чинь сарны царай шиг санагдсан.

Анхандаа би чамайг сарны л охин гэж бодсон.

Гараас минь атгаж одоо л чамайг оллоо гэж хэлээгүй бол

Гарцаагүй л сарны охин гэж бодох байсан.

Чи

Шөнөжин зүүдлээд хүрч чадаагүй холын хол эрхэс юм

Чи

Шүүдэрт нуугдаж бодолд минь өртөөгүй шүлэг юм.

Чиний сул асгарсан үс чинь

Үдэш орсон борооны дуслууд шиг энхрийхэн, ижилхэн юм.

Чиний сулхан инээсэн нүд чинь

Үнэхээрийн яруу болоод миний огт үзээгүй цэцэг юм.



Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 3 )

Ch.Battsengel [ 66.181.161.49 ]      |     1-р сарын 16 -нд, 19:32 минутанд

Gaihaltai buteeluudiig bishiruuulj medruuulj bdagt Zindaa-d bayarlalaa.daraa n Jamyangiin Bold erdenees umshij uguurei

мэдрэмжтэй байна [ 202.70.34.38 ]      |     1-р сарын 13 -нд, 22:44 минутанд

01

Battogtoh goy [ 66.181.186.143 ]      |     1-р сарын 13 -нд, 06:04 минутанд

Yooy goy yum be. Bayrlalaa zindaagiinhan

Go to top of page