Гель-лак хорт хавдар үүсгэх эрсдэлтэй

  Гель-лак гарснаар бүсгүйчүүдийн цагийг хэмнэх болсон. Урьд нь хумсаа гоё будахын тулд цаг гарган сууж, дээр нь хээ угалз зурах гэж бүр ч их цагийг үрдэг байсан бол одоо өөртөө нэг удаадаа цаг гаргаад сар гаруй цэмбэгэр хумстай явах болжээ. Харин мэргэжилтнүүд гель-лакийг хортой гэх болсон билээ. Тэдний үзэж байгаагаар гель-лак нь дараах хортой нөлөөг дагуулдаг аж.

-Хумсыг тусгай гэрлэн доор шарахад уг туяаны цацраг нь арьсанд нөлөөлдөг байна. Тийнхүү арьсны хорт хавдар үүсгэх эрсдэлтэй гэж Нью-Йоркийн их сургуулийн эрдэмтэд судалгаандаа өгүүлжээ.

-Гель-лак хэрэглэсэн бол хумсандаа тэжээл өгөх тос хэрэглэх шаардлагагүй гэсэн яриа худал. Бүсгүй таны хумс болон гарын арьсыг харин ч нэг хуурайшуулна.

-Маникюр хийлгэх газраа сонгохдоо та лед гэрэл ашиглаж байна уу, хэт ягаан туяаны гэрэл үү гэдгийг нь анзаараарай. Мэдээж хэт ягаан туяаны гэрэл нь хортой.

-Гель-лакны баталгаат хугацааг нь шалгаж хэрэглээрэй. Мөн чанартайг нь сонгохгүй бол гэмтсэн хумстай үлдэнэ.

-Лакийг хатаах гэж хэт ягаан туяанд гарыг тань олон минут байлгаж байвал энэ нь буруу. Гель-лак 2 минутад л хатах ёстой байдаг.

-Гель-лакаа гэрийн нөхцөлд хусч, маажиж самардан арилгах ёсгүй. Ингэвэл хумсны дээд давхарга хамт хууларч, хэсэгтээ л сэргэхгүй. Гоо сайхны газар очиж юмуу зориулалтын шингэн ашиглаж арилгаарай.

-Бүсгүй та жирэмсэн бол хэт ягаан туяанд хумсаа шаруулж, химийн олон найрлагатай гель-лак хэрэглэхээс аль болох татгалзаарай.

О.Саша

WWW.ZINDAA.MN