УИХ-ын дарга М.Энхболд Бүгд Найрамдах Вьетнам Улсыг зорилоо

2018 оны 01 сарын 18

     Монгол Улсын Их Хурлын дарга М.Энхболд Ази, Номхон далайн орнуудын парламентын чуулганд оролцож, БНСВУ-д албан ёсны айлчлал хийнэ.

     Тэрбээр 2018 оны нэгдүгээр сарын 18-21-ний өдрүүдэд Ханой хотноо болох Ази, Номхон далайн орнуудын парламентын чуулганы 26 дугаар уулзалтад оролцоно.

     Түүнчлэн нэгдүгээр сарын 21-23-нд Бүгд Найрамдах Социалист Вьетнам Улсын Үндэсний Ассамблейн дарга Нгуен Тхи Ким Нганы урилгаар тус улсад албан ёсны айлчлал хийх юм.

       Монгол Улсын Их Хурлын дарга М.Энхболд Ази, Номхон далайн орнуудын парламентын чуулганы 26 дугаар уулзалтад оролцох үеэрээ “Бүс нутгийн хөгжлийн хамтын ажиллагаа” сэдэвт хуралдаанд илтгэл тавих юм. Уулзалтын үеэр  зарим улсын парламентын тэргүүн нартай хоёр талын уулзалт хийнэ. 

      Бүгд Найрамдах Социалист Вьетнам Улсад албан ёсны айлчлал хийх үеэрээ тус улсын Төрийн удирдлагуудад бараалхаж, Ерөнхий сайд Нгуен Суан Фук, Хөдөө аж ахуй, хөдөөгийн хөгжлийн сайд, Вьетнам-Монголын Засгийн газар хоорондын комиссын Вьетнамын хэсгийн дарга Нгуен Суан Гыөнг нартай уулзана.

      Уулзалт, яриа хэлэлцээний үеэр Монгол Улс, БНСВУ-ын уламжлалт, найрсаг харилцаа, хамтын ажиллагааг тогтвортой хөгжүүлэх, дээд, өндөр түвшний улс төрийн яриа хэлэлцээний давтамжийг хадгалах, хоёр орны худалдаа, эдийн засгийн болон бусад салбарын хамтын ажиллагааг эрчимжүүлэх болон олон улс, бүс нутгийн зарим асуудлаар санал солилцох юм.  

      Монгол Улсын Их Хурлын дарга БНСВУ-д ийнхүү 8 жилийн дараа айлчлах гэж байгаа юм гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(122.201.22.133) 2018 оны 01 сарын 20

Энэ ч өөдтэй нөхөр биш дээ.. Нэг л мэдэхэд өмнө зүгт суурьшчихсан. Өмнөөс биднийгээ залгих вий дээ...

0  |  0
ИРГЭН(202.179.26.30) 2018 оны 01 сарын 18

МОНГОЛОО ГЭСЭН БӨӨ ЛАМ НАР БАЙДАГ БОЛ ОНГОЦТОЙ НЬ АГААРТ АЛГА БОЛГОЧИХООЧ.МОНГОЛ ХҮН Л ЛАВ ХАРАМСАЖ ГАШУУДАХГҮЙ.

0  |  0
Ард(66.181.180.201) 2018 оны 01 сарын 18

Төр шигдсэн хувалзыг хөөж зайлуул хууль гууль монгол хятадынх боллоо

0  |  0
Top