Бүтээн байгуулалтын ажилд зарим компаниуд саад болж байна

2018 оны 01 сарын 18

Сүхбаатар дүүргийн 1 дүгээр хорооны нутаг дэвсгэрт Замын цагдаагийн газрын баруун урд уулзвар, төмөр замын 406 дугаар гарам дээгүүр шинээр баригдах олон төвшний огтлолцол бүхий гүүрэн гарцын ажлын газар чөлөөлөлт хийгдэж эхэллээ.

БНХАУ-ын Засгийн газраас манай улсад олгох экспортын хөнгөлөлттэй зээлийн хөрөнгөөр баригдах тус замын нөлөөлөлд өртсөн аж ахуйн нэгжүүд газраа чөлөөлж эхлээд байна. Тухайлбал, “Жаст ойл” ХХК, “Шунхлай трейдинг” ХХК, “Таван богд трейд” ХХК нь бүтээн байгуулалтын ажлыг дэмжиж ажиллаж байна.

Гүүрэн гарцын ажлын талбайн нөлөөлөлд “Үндэсний соёл амралтын хүрээлэн” ХХК-ий эзэмшлийн газар тодорхой хэмжээгээр өртөж байгаа бөгөөд тус компанийн зүгээс газар чөлөөлөх талаар тодорхой арга хэмжээ авахгүй байгаа учир дээрх бүтээн байгуулалтын ажил удааширч байна.

Замын цагдаагийн уулзвар гүүрэн гарцын замын ажил ирэх дөрөв дүгээр сараас эхэлнэ гэж нийслэлийн Газрын албанаас мэдээллээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (202.179.31.242)  2018 оны 01 сарын 18

Төр гэж байдаг бол төмөр нүүрээ харуулж, нийтийн эрх ашгийн төлөө газрыг нь хүчээр чөлөөлөх хэрэгтэй ш дээ.

0  |  0
Отго (112.72.11.116)  2018 оны 01 сарын 18

Голомтын Баясгалангаас паркын газрыг хурааж ав.гацуурт чинбатад өгвөл таарна.олигтой тоглоом ч байхгүй.хуучны хэдээр л нүүр тахалж бэ

0  |  0
Top