Агаарын бохирдол Улаанбаатар хотод тулгамдсан томоохон асуудал болсон бөгөөд хүүхэд багачуудын амьсгалын замын өвчлөл нэмэгдэж,
иргэдийн эрүүл мэндэд хортой нөлөө үзүүлж байна. Манай улсын хувьд ДЭМБ-аас заасан аюулгүй стандарт хэмжээнээс 6-7 дахин их хэмжээтэй гарсан бөгөөд агаарын бохирдлоос болж жилдээ 1700 орчим хүн нас барж байна гэсэн судалгаа байдаг.
Монголын улаан загалмай нийгэмлэгийн Хүүхэд залуучуудын хөтөлбөр “Скай ресорт” цанын баазтай хамтран нийслэлийн зургаан дүүргийн 600 хүүхэд Хүүхдийн асрамж халамжийн төвийн 400 хүүхэд нийт 1000 хүүхэд багачуудыг үнэ төлбөргүй тоглуулах үйл ажиллагааг зохион байгуулж байна.. Энэхүү үйл ажиллагаа 2үе шаттайгаар явагдаж байгаа бөгөөд 01 дүгээр сарын 19, 26-ний өдрүүдэд тоглуулна . Эхний ээлжийн 500 хүүхдийг өнгөрсөн Баасан гарагт тоглууллаа.
Энэ үеэр хүүхдүүд, багш аргазүйч нарт Монголын улаан загалмай нийгэмлэг халуун аарц болон жигнэмэг тараан хүүхэд багачуудыг үдийн цайгаар дайлав.
А.Эрдэнэ
www.zindaa.mn
Сэтгэгдэл ( 0 )