Хот, хөдөөгийн 147 даамчин оюун ухаанаа уралдууллаа

Техник технологийн дээд сургуулийн нэрэмжит өсвөрийн даамчдын тэмцээн энэ сарын 20-21-ний өдрүүдэд тус сургууль дээр боллоо. 16 дахь жилдээ зохиогдсон уг тэмцээнд хот, хөдөөгийн 147 тамирчин, гурван насны ангиллаар өрсөлдөв. Хөдөө орон нутгаас Увс, Өмнөговь, Дорноговь, Сэлэнгэ, Төв, Өвөрхангай, Орхон аймгийн өсвөрийн даамчид хүрэлцэн ирсэн юм.

Тамирчид 6-9, 10-13 насанд швейцарь системээр ес, 14-17 насанд найман өрөг тоглож дүнгээ гаргалаа.

Тэмцээний 6-9 насны охидын ангилалд Г.Шинэсаран (Дорноговь), Ц.Сумъяа (Хөлөгт тоглоом), Ц.Мягмарсүрэн (Увс), хөвгүүдийн ангилалд Б.Баасанбар (42-р сургууль), З.Аргабилэг (“Ирээдүй” цогцолбор), Г.Золбоо (БЗД) нар тэргүүлэв. Харин 10-13 насанд охидоос Б.Есүй (42-р сургууль), Н.Лхагвадолгор (Өмнөговь), Н.Налжормаа (Дорноговь), хөвгүүдээс Б.Баярманлай (Шинэ Монгол), А.Дашчирэв (42-р сургууль), Б.Сүхбат (Орхон) нар эхний гурван байрыш эзэлсэн.

Тэмцээний 14-17 насанд охидоос Б.Анужин (Хасу Мегастарс), Б.Халиунаа (Дорноговь), Б.Мөнхжин (Хасу Мегастарс), хөвгүүдээс Ц.Чинзориг (“Сант” сургууль), М.Лувсандорж (Хэнтий), Б.Эрдэнэбаатар (42-р сургууль) нар медальт байранд шалгарлаа.

Д.Тамир

WWW.ZINDAA.MN