“Биокомбинат”-ын захирал Б.Баттогтохыг эсэргүүцэж ажил хаяна
“Биокомбинат” Төрийн өмчит үйлдвэрийн газрын захирал Б.Баттогтохтой хамтарч ажиллахгүй гэж тус үйлдвэрийн ажилтнууд мэдэгдэж, эсэргүүцлээ илэрхийлээд байна. Унгарын Засгийн газрын буцалтгүй тусламжаар 1973 онд ашиглалтад оруулсан Биокомбинатад техникийн шинэчлэл хийгдээгүй. Унгарын Засгийн газраас 25 сая ам.долларын хүүгүй зээл олгохоор болсон.
Хүнс, хөдөө аж ахуй, хөнгөн үйлдвэрийн сайд Б.Батзориг Монгол Улсад суугаа Элчин сайд Галошфай Михайг хүлээн авч уулзах үеэр төслийн ажлыг эрчимжүүлэх зорилгоор хоёр орны Ажлын хэсгийн холбогдох албан тушаалтнууд видео хурлыг тогтмол зохион байгуулж техникийн ажлыг тохирон, харилцан мэдээлэл солилцож тодорхой үр дүнд хүрсэн талаар ярилцсан. Биокомбинатын өргөтгөлийн ажлыг хоёр талын тохирсон цаг хугацааны графикийн дагуу хэрэгжүүлж энэ оны 02 дугаар сард Төслийн ажлын даалгавар, баримт бичгийг эцсийн байдлаар тохиролцож Унгар Улсад тендер зарлах процессийг эхлүүлэх, 6 дугаар сар гэхэд зээлийн гэрээг байгуулж барилгын ажлыг эхлүүлэхээр төлөвлөсөн. Тэгвэл тус үйлдвэрийн ажилтнууд Биокомбинатад хэрэгжих төслийг үр дүнгүйдүүлнэ хэмээн үзэж байгаагаа илэрхийлжээ. Мөн ажил хаяна гэсэн бөгөөд Б.Баттогтох 2011-2013 онд тус үйлдвэрийн захирлаар ажиллаж байсан. Энэ хугацаандаа Биокомбинатын ажлыг унагасан гэнэ. Ажил хаялтад 200 гаруй ажилтан нэгдэхээ мэдэгджээ. Б.Баттогтох нь хувийн "Цагаан залаат агвет" компанитай юм байна.
А.Эрдэнэ
Холбоотой мэдээ
Сэтгэгдэл ( 4 )
huviin omchoo namiin jurmaar deeremdeed bna
Baruuny zeeliig ideh araga bdgui buh juman toocootoi b dag jum as maluudaa
Энэ 25 сая долларын асуудал олон ч жил, олон ч будлианыг тарьж дарга нарын шуналын хорхойг гозгонуулж байна даа. Насанжаргал сайдын үеэс л ... бас ХААИС-ийн захиралын нэр холбогдож байга биз дээ...
Баттогтох даргаа танд ажлын амжилт хүсье. Та хүчирхэг эмэгтэй шүү таныг байнга дэмжинээ