Өдөрт нэг сая төгрөгний орлоготой дуучин

Манай урлагийн салбарт нийтийн дууны эрин үе чамгүй давлагаа үүсгэж байгаа нэгэн төрөл билээ. Тиймээс өрсөлдөөн их учраас тодорхой хэмжээний мөнгө дагасан менежмент байх шаардлагатай болдог гэдгийг мэргэжилтнүүд хэлдэг. Харин сүүлийн үед жижиг зах зээл дээр өрсөлдөх нь улам бэрхшээлтэй байгаа учраас залуу дуучид өмнөд хөршийг зорих нь элбэг болжээ. Тэр тусмаа Манжуурыг зорих дуучдын цуваа тасрахаа больж, тэнд манай залуу дуучид хамгийн орлоготой байдаг тухай хэлж байна. Тэгвэл олон улсын “Шин Шан”-ы нэрэмжит шагналт дуучин Р.Жаргалсайхан Манжуурт орлогоороо тэргүүлдэг дуучны нэгээр зүй ёсоор нэрлэгдэж эхэлжээ. Тэрбээр өдөрт гурван газарт гэрээний дагуу дуулаад нэг сая төгрөгийн орлого олдог нь ийнхүү тэргүүлэх шалтгаан болдог байна. Дуучин Р.Жаргалсайхан нь СУИС-ийг М.Найдалмаагийн удирдлагад төгссөн цагаас хойш уран бүтээлээ тасралтгүй туурвиж, “Хаан эцгийн нутаг” цомгоо олны хүртээл болгосон нь мөнхүү өмнөд хөршид байлдан дагуулж байгаа аж. Түүнийг "Уулс мину”, "Нутаг сайхан Алтай”, "Эр цэргийн андууд” зэрэг дуугаар нь сонсогчид сайн мэдэх билээ.

А.Толбо

www.zindaa.mn