Ломбардуудыг шалгахад нийтлэг зөлчил илэрчээ

Автор | Zindaa.mn
2018 оны 02 сарын 03
Архангай аймгийн Цагдаагийн газраас Стандарт, хэмжил зүйн хэлтэстэй хамтран “Сэрэмжилье-Нэгдье” нэгдсэн арга хэмжээний хүрээнд нэгдүгээр сарын 26-29-ний өдрүүдэд аймгийн хэмжээнд барьцаалан зээлүүлэх үйл ажиллагаа эрхэлж буй 18 аж ахуйн нэгж, ломбардуудын Барьцаалан зээлүүлэх үйлчилгээний стандарт MNS5274-2017-гийн хэрэгжилтийг шалгаж, дүнг танилцуулсан байна.

Шалгалтаар барьцаалан зээлүүлэх үйлчилгээний стандарт MNS5274-2017-гийн хэрэгжилт хангалтгүй, тохирлын гэрчилгээ, цагийн хуваарийн хугацаа дууссан зэрэг нийтлэг зөрчил илэрчээ.

Дүнгийн хурлаар стандартын хэрэгжилтийн шалгалтын дүнг хэлэлцэн, барьцаалан зээлүүлэх үйлчилгээний стандарт MNS5274-2017-гийн хэрэгжилтийг хангах, илэрсэн зөрчлийг арилгуулах зорилгоор 24 дугаартай мэдэгдлийг аж ахуй нэгж, байгууллагын захирал нарт хүргүүлж, хулгайлах болон бусад гэмт хэрэг, зөрчлөөс урьдчилан сэргийлэх сургалт, мэдээллийг хийж, шаардлагатай хуулийн зөвлөгөө өгчээ.

Барьцаалан зээлүүлэх аж ахуй нэгж, ломбардууд “Сэрэмжилье Нэгдье” аянд нэгдэж хуулийн хэрэгжилтийг хангаж, хамтран ажиллахаа мэдэгдсэн байна.
Л.Зул
www.zindaa.mn

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(202.131.245.69) 2018 оны 02 сарын 05

Наад бичиж байгаа юмныхаа үг үсгийг хараач.

0  |  0
Top