Өвлийн олимпын тамирчдын маань барьсан гэнэтийн бэлэг

 Монголын цанын спортын тамирчид БНСУ-ын Пинчён хотноо болох өвлийн олимпыг зорин ниссэн. Тэднийг явахаас өмнө “уламжлал” ёсоор Монгол түмэн маань шүүмжлэлийн үгэн сумаар өмссөн хувцсыг нь цоо шүршив. “Үүнийг борооны цув гэж битгий бодоорой, манай тамирчдын өвлийн олимпд гангарах хувцас...” гэж ирээд шүүмжлэл эхэлсэн. Үнэндээ тэдний хувцас шүүмжлэл дагуулахаар байв. Заримынх нь хэлсэн “гаднаас тусламжаар ирдэг хувцас”-тай төстэй харагдсаныг нуух юу. Тамирчид маань ч ихэд гомдсон биз. “Сайн яваад, амжилтаа ахиулаад ирээрэй...” гэхийн оронд өмссөн хувцасыг нь гоочилж, “тийм хувцастай явуулахаар больчих хэрэгтэй” гэсэн үг нисгэхээр хэн ч гомдох билээ. Тэгвэл олипын тамирчид маань Пинчён нисэхийнхээ өмнөхөн нэгэн гэнэтийн бэлгийг задлаад одов.

Тэрхүү гэнэтийн бэлэг бол Монголын БТСГ-ын дарга Шаравжамц фэйсбүүк хуудсаараа дамжуулан хүргэсэн мэдэгдэл юм. Тэрбээр,

-За найзуудаа нэг нууц дэлгэхгүй бол горьгүй нь ээ...
Зарим хүмүүс шигшээ багийн тамирчдын маань хувцасыг хараад уралдаан тэмцээндээ өмсөх юм бна гэж ойлгосон уу нэлээн дайрлаа. Цанын шигшээ багийн олимпийн наадамд өмсөх хувцасыг манай цанын холбооны ерөнхийлөгч Хишигжаргал ерөнхий нарийн бичгийн дарга Очирсүрэн нартай өнгөрсөн жил хамтраад БТСГын санхүүжилтээр Финлянд улсад хийлгэчихсэн байсан юм. Уул нь олимпийн нээлт хүртэл нууцалж байгаад сюрприз барина гэж бодож байсан юм.

Төрийн далбааны хаа өнгөөр ийм сайхан хувцас хийлгэсэн Монголын цанын холбооныхон доо,ерөнхийлөгч Хишигжаргал ахдаа нийт спорт сонирхогчдынхоо нэрийн өмнөөс баярлалаа. Та нарынхаа нервийн барсан бас тэвчээр алдаж сюрпризээ задалсан муу Шарваагаа өршөөн соёрхоорой. Тамирчид дасгалжуулагчид холбооныхон доо амжилт ерөөе.
Найзууд шээрлээд загнаад байсан хүмүүст хүргээд өгөөрэй... гэжээ.

Л.Зул

www.zindaa.mn